Senad

De Wikipedia
Lumbard ucidental Quest articol chì l'è scrivuu in lombard, grafia milanesa.
El Campidoeuj, sed del Senad di Stat Unii

El Senad a l'è 'na cambra del Parlament, squasi semper l'inscì ciamada cambra alta. In di sistema de bicameralism imperfett el Senad el gh'ha de solit el roeul de 'na cambra de controll, con men de poder de la cambra bassa, che la intervegn domà in di procediment pussee important, menter in di federazion a l'è de solit 'na cambra di orghen federai, indova despess i federaa gh'hann el midemm numer de reppresentant.

El primm Senad a l'è staa el Senad roman: in l'epoca antiga i Senad eren despess di camber consultiv del Sovran cont di roeul giurisdizionai, compagn del Senad de Milan. In di monarchij del '800 despess i Senad eren nomenaa in part o totalment del monarca. In Germania, inveci, i Senad a hinn i governi di città-Stat de Berlin, Amborgh e Brema.

Bibliografia[Modifega | modifica 'l sorgent]

  • Rocco Ermidio: Le seconde Camere nel Diritto comparato - Aracne Editrice, 2015

Vos corelaa[Modifega | modifica 'l sorgent]