Segunda Curinz Capitel Vott

Quel articul chì l'è scrivüü in Lumbard, cun l'urtugrafia insübrica ünificada.

Segunda Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Vott

¹E ve fèmm cugnuss, fradèj, la grazia de Diu che l'è dada intra i gésa de Macedonia, ²che in de tanta pröva de tribulaziún la bundanza de la lur letizia e la lur puertaa estrema l'è stada püssee che assee per la richéza de la lur simplicitaa; ³perchè segund putéza, duu testimunianza, e ultra puténza, vulentéra, ⁴intanta che me dumandaven cun tanta insisténza per la grazia e la fradelanza del ministéri per i sant, ⁵e no cumè èmm speraa, ma i hann daa a sé medemm prima al Signúr e a nümm per mèzz de la vuluntaa de Diu ⁶perchè èmm incuragiaa Tìt, che cumè l'ha cumenzaa prima, inscì anca 'l cumpa chèsta grazia. ⁷Ma propi cumè gh'avii püssee che assee in de tüsscoss, in de féd, in de parola, in de cugnussénza, in de tüta diligénza e in de bén de nümm intra vialter, perchè gh'avii püssee che assee in de chèsta grazia.
⁸El disi no cumè un cumand, ma per mèzz de la diligénza di alter e pruand la sinceritaa del voster bén: ⁹già che cugnussii la grazia del noster Signúr Gesü Crist, che l'è devegnüü pòr per vialter ancabén l'è sciúr, perchè vialter fossi devegnüü sciúr per mèzz de la sua puertaa. ¹⁰E sü chèst duu un cunsèj; già che chèst l'è ütil a vialter, che fin de l'ann passaa no dumà avii cumenzaa a fà ma anca a vurì; ¹¹ma adèss finii anca a fà, perchè la sia cumè la vostra pruntéza de vurì, inscì anca de finì de chèll che gh'àbiuv. ¹²Già che se la pruntéza l'è presenta, vün l'è cetabil segund quant el gh'ha, no segund quant el gh'ha no. ¹³Già che no cumè pusada per alter e tribulaziún per vialter, ma d'equalitaa; la vostra bundanza al chèst témp l'è per la lur mancanza, ¹⁴perchè anca la lur bundanza la sia per la vostra mancanza, perchè la ghe sia l'equalitaa, ¹⁵cumè l'è scritt:
«Chi 'l gh'ha minga avüü püssee che tant,
chi 'l gh'ha minga avüü mén che pocch».
¹⁶E grazi sien a Diu che 'l da la medema muvüda per vialter al cör de Tít, ¹⁷perchè l'ha ricevüü l'esurtaziún, già che l'era püssee muvüü, l'è vegnüü a vialter vulentéra, ¹⁸e èmm mandaa insèma cun lü el fradèll la lod del qual in del vangel la gh'è in tücc i gés, ¹⁹e no dumà chèst, ma scernii föra di gés per vèss el noster cumpagn de viagg in de chèsta grazia che l'è aministrada de nümm per la gloria del Signúr e la nostra pruntéza, ²⁰intanta che schivum chèst: che nissün el me biasma in de chèst grand regàll che l'è aministraa de nümm; ²¹già che pruvedum bonn coss no dumà denanz al Signúr ma anca denanz a i vèss üman. ²²E èmm mandaa cun lur el noster fradèll che èmm pruaa tant völt e l'è diligént, e adèss püssee diligént cun tanta cunfidénza per vialter. ²³Se per Tít, el mè soci e per vialter cumpagn de laur; se i noster fradèj, apostuj di gés, la gloria del Crist. ²⁴Dunca, deej la pröva del voster bén e del noster vant per vialter denanz a i gés.

Navigaziun

• ← Indree a Capitel Sett
• Inanz a Capitel Növ →
• A l'indes