Segunda Curinz Capitel Növ

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Segunda Curinz[Modifega | mudìfica 'l sorgènt]

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Növ[Modifega | mudìfica 'l sorgènt]

1Già che sül minstéri per i sant, el m'è inütil[1] scrivuv: 2degià che suu la vostra pruntéza de la quala me vanti per vialter a i Macedon, che Acaia l'aveva preparaa fin de l'ann passaa, e 'l voster zél[2]l'ha daa el léva a tant personn. 3E huu mandaa i fradèj, perchè 'l mè vant per vialter la sia no van in de chèsta part, perchè siuv preparaa propi cumè huu dii, 4perchè se duvessen vegnüü cun mì Macedon e ve truassen no preparaa, nümm sarìum vergugnaa, perchè no parlum de vialter cun chèsta cunfidénza[3]. 5Dunca, huu cunsideraa necessari incuragià i fradèj de vegnì prima a vialter e de fà pronta la benediziún che l'è stada prumessa prima, che chèsta cossa la sia preparada inscì, cumè una benediziún e no cumè avarizia.
6E chèst, lü che 'l sumena scarsamént el anca cujarà scarsamént, e lü che 'l sumena sü benediziún el anca cujarà sü benediziún. 7Ognidün cumè 'l scern in del cör, no de tristéza né de necessità[4]: già che Diu el vör bén lü che 'l da alegramént. 8E Diu l'è putént de fà püssee che assee tüta la grazia in de vialter, perchè, degià che gh'avii tücc i coss de quij gh'avii besogn semper in de tüsscoss, siuv püssee che assee per ogni bun laur, 9cumè l'è scritt:
«L'ha traa adoss, l'ha daa a i por,
la sua giüstizia la resta per semper».
10E lü che 'l furn la suménza a lü che 'l sumena e pan cumè la paciatoria[5], lü el furnarà e slargarà la vostra suménza e 'l farà cress i frütt de la vostra giüdizia. 11Sii faa sciúr in de tüsscoss per ogni simplicitaa, che la prudüss per mèzz de nümm el dà de grazi a Diu: 12perchè el servizi de chèst ministéri no dumà l'è dree a impienì i besogn di sant ma anca l'è püssee che assee per mèzz del dà de tant grazi a Diu, 13degià che per mèzz de la pröva de chèst ministéri dann gloria a Diu per via de l'übediénza de la vostra cunfessiún per el vangel del Crist e la simplicitaa de la fradelanza cun lur e cun tücc, 14anca cun la lur preghéra per vialter intanta che je manchii, per via de la grazia tant granda[6] de Diu sü vialter. 15Grazi a Diu per el sò regàll no descrivibil!

  1. o depü
  2. o passiún
  3. o fidüzia
  4. o forza
  5. o de mangià
  6. o ecelenta

Navigaziun[Modifega | mudìfica 'l sorgènt]