Segond emendament (Costituzzion di Stat Unid)
|
Quest articol chì l'è scrivud in lombard, con la Noeuva Ortografia Lombarda |
El segond emendament a la Costituzzion di Stat Unid l'è part de la Deciarazzion di Dirizz e 'l stabiliss un dirit a havégh e portà i armi in di Stat Unid.
L'estension de 'sto dirit l'è semper stada controversa, in tra quei che 'l retegnen un dirit individual e quei che 'l retegnen un dirit coletiv di Stat Unid, la Cort Suprema di Stat Unid, in District of Columbia v. Heller (2008) l'ha stabilid che l'è un dirit individual ma minga senza limit: l'è per esempi possibel impedìgh ai mat de havégh un'arma o proibì di armi assee pericolos o strani. In del 2010, in McDonald v. City of Chicago, la Cort l'ha stabilid che i governi statai e locai poden no andà contra a 'sto dirit e in del 2016, in Caetano v. Massachusetts, l'ha stabilid che 'l se riferiss anca ai armi inventad dopo de la Costituzzion e no domà a quei de guerra.
El gh'ha i so bas in del common law ingles e in la Bill of Rights 1689 de la Gran Bretagna e in principi l'era soratut pensad per havégh una milizzia ben fonzionanta, tant che i prim sentenze a revard de la Cort Suprema parlaven domà di armi per la milizzia.
Test de l'emendament
[Modifega | modifica 'l sorgent]
|
«Una Milizzia ben regolamentada, desgià che l'è necessaria per la sigurezza de 'n Stat liber, el dirit del popol de tegnì e portà i armi el podarà minga vesser violad»
|