Sciatt (mangià)

De Wikipedia
Salta a la navigazzion Và a cercà
Lumbard ucidental Quest articol chì l'è scrivuu in lombard, grafia milanesa.
Sciatt
Sciatt Caldi su Letto di Rucola (1).jpg
On piatt de sciatt
Origen
Pòst d'origenItalia Italia
RegionLombardia
SpantegamentPont
Area de produzionTej
Dettaj
Categoriaprimm piatt
Ingredient principaj* Farina de formenton
 

I sciatt hinn on mangià tipegh de la cusina lombarda, per la precision de la Valtolina (zona de Tej).
Hinn di frittei crocant de forma redonda, con denter del formagg fonduu, e che de norma hinn servii in su 'n lecc de zuccoria.

Preparazzion[Modifega | modifica 'l sorgent]

Se messeda su con la birra 'na mes'cia de farina bianca e de formenturch. Dopo de 'vè faa on impast minga tropp liqued, se ghe gionta el formagg tajaa a daditt, el pan grattad, on zicch de levaa e, eventualment, la grappa.
Dopo de 'vè scoldaa l'oeuli a la temperadura de fà frigg, in d'ona pignatta grossa assee, l'impast el ven pocciaa a tocch a tocch in de l'oeuli cont on cugiaron, cont el fàggh atenzion a regoeuj on cubett de formai per ogni "sciatt". Quand che hinn ben doraa, i vann servii direttament in del piatt, in su 'n lecc de zuccoria cruda, tajada a tocchellitt e condida con l'oeuli, l'asee e la saa; i gh'hann de vess mangiaa quand che hinn ancamò cold.

Ingredient[Modifega | modifica 'l sorgent]

Per quatter personn:

  • 300 g de farina de formenturch
  • 200 g de farina de forment
  • 300 g de formagg "Casera"
  • 2 cugiar de pan grattaa
  • 1 bicerin de grappa (minga necessari)
  • birra
  • oeuli per frigg
  • on zicch de levaa

Nòt[Modifega | modifica 'l sorgent]

  1. Ricetta Sciatt - Le Ricette di GialloZafferano.it. URL consultato in data 10 luglio 2015.