Sant Sinod de Milan

Quest articol chì l'è scrivud in lombard, con la Noeuva Ortografia Lombarda

El Sant Sinod de Milan, ciamad anca Metropolia Ortodossa de Aquileja, a l'è una Gesa autocefala vera ortodossa, in principi de la branca di vegg calendarista gregh, che l'è recognossuda de nissun'altra gesa ortodossa tradizzionala in del mond, anca se la se considera recognossuda de la veggia Gesa Ucraina in Esili, che incoeu l'ha tolt part al patriarcad de Kyiv.

Storia

La metropolia la nass in del 1983 quand che vari fedei hann portad la parochia russa de Milan sota la giurisdizzion del sinod di Ver Cristian Ortodoss de Grecia, sota la guida de l'Evloghios Hessler, che l'era el curad de la gesa. La lassa poeu el sinod gregh per passà a la gesa ortodossa ucraina in esili, con sed in di Stat Unid, e infin la deventa una gesa deperlee.

Intorna al 2011 la proeuva a tornà in comenion cont el Patriarcad de Mosca, roba che la mena a s'cepà tucc i ligam cont i alter gese che gh'haveven di relazzion o haveven lavorad a fà su, ma in del 2013 la metropolia la nonzia de restà deperlee.

Con la mort de l'Evloghios a l'è guidada de l'Avondios, che l'è considerad 'me loeughtenent de la Metropolia.

Liturgia e organizazzion

L'è governada in manera episcopala, cont un so sinod. La pupart di so parochie ghe sta adree al rit bizantin o a quell slav, ma l'ha ciapad denter anca di gese ortodosse de rit ocidental e libanes. Incoeu el retor, dopo la mort de l'Evloghis, a l'è l'Avondios.

Riferiment

CESNUR

Ligam de foeura

Sit ofizzial

Alter proget

Wikimedia Commons el gh'ha dent imagin o alter archivi su Sant Sinod de Milan