Sant Andreja

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Carevazz, El Sant Andreja miss in cros

El Sant Andreja (gregh: Ανδρέας; Betsaida, 6 p.d.C. - Patrass, 30 de november del 60) l'è staa on apostol del Signor.
L'è veneraa 'me sant de la Gesa Catolega e de quella Ortodossa.

Vita[Mudifega | mudìfica 'l sorgènt]

Quell che semm de lu el toeuvom su del Noeuv Testament e de la tradizzion cristiana di primm secoi.
L'Andreja l'era fradell del San Peder e, come lu, el faseva el pescador in Galileja (l'era nassuu a Betsaida, un paesoeu de la region). El saria staa el primm di discepoi ciamaa del Gesù, semper insemma al sò fradell. Prima ghe andaven adree al San Gioann Batista.
In di Vangeli a l'è present in vari moment important de la vita del Signor, inscambi in di Att di Apostoi l'è poch present.
L'Usoeubi de Cesareja el dis che l'ha viaggiaa in Asia Minor per menà in gir el Vangeli. Segond la tradizzion, l'è staa lu a fondà la diocesi de Bisanzi, che poeu la saria deventada la sede del Patriarcaa de Costantinopel, el pussee important del cristianesim oriental.
Dopo tanto girondà, el saria staa martirizaa a Patrass, in Grecia. La tradizzion, gemò a partì di Att de Andreja (citaa del San Grigoeu de Tours), la dis che l'è staa miss in cros, ma minga 'me quella de Gesù, a forma latina: ma cont ona a forma de X, e che de alora la vegna ciamada "cros de Sant Andreja"; la scerna de doperà quella cros chì la saria stada proppi soa, perchè 'l credeva de vess minga degn de morì a l'istessa manera del sò Maester.

Patron[Mudifega | mudìfica 'l sorgènt]

Sant Andreja, regordaa el 30 de november, e l'è patron de la Scozzia, de la Russia, de l'Ucraina e de la Grecia.

In Lombardia, Sant Andreja l'è patron de Albaree (PV), Bracca, Brunaa, i Cà, Cavralba, Carugaa, Castana, Cazzan, Ciur (con San Jacom), Crespiadega, Fin (BG), Icurz, Iss, Mairan, Malegn, Massalengh, Mornigh, Pescheroeu, Pioltell, Pompian, Premol, Sangian, Stroza, Suis, Tisengh, Varan, Villa d'Adda, Zaa, Zanell, Zel Bon Persegh e Zet.

Varda anca[Mudifega | mudìfica 'l sorgènt]