Cros

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
Ona cros in sù 'na scima d'ona montagna.
Wikiquote-logo.svg
«Prega el Signor a bassa vos, con la soa bricolla a forma de cros...»
(Davide Van de Sfroos, Ninnananna del contrabbandiere, 1999)
Wikiquote-logo.svg
«Se pò minga cantà e portà la cros.»
(Proverbi lombard)

La cros l'è ona forma geometrega che l'è fada sù de dò lign che se incrosen cont on angol drizz, in manera tal che vegnen foeura quatter brasc, e che almanch voeuna di dò lign la sia spartida a metà.
L'è vun di simboi pussee vegg tra quei che doperen i omen: per esempi, la se troeuva dent a on mucc de bander de paes e de simboi araldegh, ma anca de onorificenz (compagn de la Cros de Ferr todesca).

La cros in del Cristianesim[Mudifega | mudìfica 'l sorgènt]

In del Cristianesim la cros l'è on simbol proppi important, perchè l'è staa in sù 'na cros de legn che l'è staa mazzaa el Signor. La cros, donca, a l'è 'l simbol de la passion del Signor e de l'amor de Dio (che l'è vegnuu omm e l'è mort per toeuss sora de lù i peccaa uman) per el mond.
Per 'sta reson, per esempi, tanti ges i gh'hann la forma de ona cros. Inoltra, a partì del Medioev, a s'è comenzaa a mett sù di cros sora i altar e in sui tomb. Inoltra de norma i Cristian, prima de taccà a pregà, se fann el segn de la cros, cont el qual ciamen tucc i member de la Trinità.

Tipi de cros[Mudifega | mudìfica 'l sorgènt]

A gh'è pussee d'ona manera de fà sù i cros:

  • Cros greca: la gh'ha tucc i brasc de l'istessa longhezza e se tajen giò in del mezz.
  • Cros latina: el brasc vertical l'è pussee longh de quell orizzontal, che 'l le taja minga in la soa metà.
  • Cros de Sant Andrea: l'è compagna de la cros greca, però l'è svoltada de 45 gradi, e inscì la par ona X.