Sanità de liber mercaa
La sanità de liber mercaa a l'è el sistema sanitari che 'l lassa che i prezzi di prestazion sien liberament determinaa di scern di pazient e di fornitor di prestazion sanitari segond di legg de la domanda e de l'offerta liber de ogni intervent statal o de 'n autorità de controll.
I sò sostenitor, tipicament de tradizion libertariana compagn de l'Istitut Ludwig von Mises o del John Stossel, sostegnen che 'l liber mercaa in la sanità el sbassa i prezzi rispett a la sanità a pagator unich e che i sistema sanitari centralizzaa resulten in longh temp d'attesa, inefficienza generalizzada e mancanza di cur specializzaa menter i contrari sostegnen che inscì la salut la deventaria 'na commodity domà paj sciori e che senza el controll publegh el se volza el ris'c di falliment del mercaa.