Rumàn Capitel Trides

Quel articul chì l'è scrivüü in Lumbard, cun l'urtugrafia insübrica ünificada.

Rumàn

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Trides

¹Ogni anema la gh'avarìa de vèss sutamèss a i auturitaa süperiúr . Già che la gh'è no auturitaa se no de Diu, e quij che gh'hinn hinn urdinaa de Diu. ²Dunca, lü che 'l resist l'auturitaa, l'ha upost l'urdinanza de Diu, e quij che l'hann uposta ricevarànn a sé medemm el giüdizi. ³Già che i prenzip hinn no la pagüra al bun laur, ma al malign. E te vöret avègh minga pagüra de l'auturitaa? Fa 'l bun, e t'en gh'avaree lod; ⁴già che l'è no el minister de Diu vèrs el bun. Ma se te fee 'l maa, che te gh'hee la pagüra; già che 'l porta la spada svujamént? Già che 'l minister de Diu l'è vendicadúr per l'ira a lü che 'l fa 'l maa. ⁵Dunca, el sutamètt l'è una necessitaa, no dumà per via de l'ira, ma anca per via de la cuscénza. ⁶Già che per chèst paghii i tribüt: già che i minister de Diu hinn dedicaa a chèsta medema roba. ⁷Paghee indree i debit a tücc, el tribüt al qual l'è 'l tribüt, la tassa al qual l'è la tassa, la pagüra al qual l'è la pagüra, l'unúr al qual l'è l'unúr.
⁸Che gh'àbiuv minga quajdün debit cun nissün, se no chèll de vurì bén el vün i alter; già che lü che 'l vör bén l'alter l'ha cumpii la lég. ⁹Già che chèll: «Te cumetaree minga adültéri, te cuparee no, te grataree no, te desideraree no», e se 'l gh'è quajdün alter cumandamént, l'è sumaa in de chèsta parola: «Te vuraree bén el tò prossim cuma té medemm». ¹⁰El bén el fa minga maa al sò prossim; dunca, el bén l'è 'l cumpimént de la lég.
¹¹Anca chèst, degià che cugnussum el témp, che l'è già l'ura che vialter ve desseduv del sogn, già che la salvéza l'è adèss püssee vesìn de quand èmm credüü. ¹²La nocc l'è nada innanz, e 'l dì l'è vegnüü vesìn, dunca, gh'avarìum de tö via i laur del scür, e gh'avarìum de metemm adoss di arm de la lüs. ¹³Cuma de dì, gh'avarìum de caminà decurusamént, no in de smitt, in de ciuchéz, in d'imuralita sessüala o spüduratéza, no in de cuntésa o gelusìa, ¹⁴ma vestiiv del Signúr Gesü Crist e fii minga un pruvedè per la carna, per i sò desidéri.

Navigaziun

• ← Indree a Capitel Dudes
• Inanz a Capitel Quatordes →
• A l'indes