Rostisciada

Quest articol chì l'è scrivud in lombard, con la Noeuva Ortografia Lombarda

Rostisciada
Origen
IPA	[ruzti'ʃiada]
Pòst d'origen	Italia  Svizzera
Region	Lombardia Canton Tesin
Spantegament	Altmilanes, Com, Lech, Brianza
Dettaj
Categoria	segond piatt
Ingredient principaj	carna de porscell, luganega de porscell, panceta, buter, tomates e scigolla

La rostisciada a l'è un piat tipegh de la cusina lombarda sora de Milan, fad soratut in Brianza, in l'Altmilanes, a Lech e a Com, ma anca in Tisin, che 'l se po mangià con la polenta o di alter contorn compagn del purè o de la schisciada de pom de terra.

Riceta

Ingredient

1. 500 gram de lonza o spalla de porscell
2. 300 gram de luganega
3. 80 gram de panceta
4. 300 gram de polpa de tomates o 3 tomates gross de trià
5. 50 gram de buter
6. 400 (o anca pussee) gram de scigolle dolz
7. 1 deciliter de vin
8. Un poo de farina
9. Sal e pever quànt che l'è assee

Procedura

1. Fa sudà la scigolla tajada suttil in d'una pentola insema a la panceta a tochei, in del buter
2. Dorà in d'un oltra padella la luganega a tochei
3. Tajà la lonza/spalla suttil e passàlla in la farina, sgiontàlla a la pentola de la panceta e di scigolle e rosolà per un quaj menut
4. Sfumà cont el vin, e quand che l'è evaporad, sgiontà i tomates
5. Fa coeuser a foeugh pass per 45 menut circa e sgiontà, 20 menut prima de la fin, la luganega

Riferiment

• La rustisciada lombarda con schiacciata di patate al limone ed erba cipollina
• Le Ricette di Mario
• Cucina lariana
• TriangoloLariano