Robert Cantieni

De Wikipedia
El Robert Cantieni

El Robert Cantieni (* 6 Sgenee 1873 a Ftan; † 11 Mars 1954 a Cuira; resident a Pignia) l'è staa un cumpunista Grisunes cugnussüü suratüt per la sua övra pü famusa Chara lingua da la mamma.

Vida e Laur[Modifega | modifica 'l sorgent]

Istrüssiun[Modifega | modifica 'l sorgent]

El Cantieni l'eva stüdiaa a la scöra pedagogega de de Cuira. Despö l'eva faa 'l master a Ftan del 1892 al 1893 e a Samedan del 1893 al 1900. In del l'an 1900 el Cantieni l'eva ciapaa sü e l'era 'ndaa a Zürigh, inscì de andà al cunservartori a stüdià müsega de cumpusissiun, müsega istrümentala, e cor. I so prufessur eren staa i cumpunista Friedrich Hegar, Karl Attenhofer e Gottfried Angerer. Dopu de 'vè ciapaa 'l diploma l'era 'ndaa serüch in Engadina a insignà Pianufort e cor.

Vida de Adült[Modifega | modifica 'l sorgent]

In de l'an 1910 l'ha tolt miee e pö l'ha vivüü trii agn a Samedan e St. Moritz. Püssee tard, in del 1913 l'ha faa San Marin e l'ha metüü sü cà a Scuol. In tücc i sit indua che l'ha vivüü l'ha semper insignia cor. In de l'an 1911 l'ha scrivüü, insem' al Florian Grand, el liber de cant „Engiadina“. In chi agn chi l'ha metüü insema i so toch püssee impurtant cumpagn, per esmepi, de l'in engdines Chara lingua da la mamma.

Agn a Cuira e Tarda Vida[Modifega | modifica 'l sorgent]

Incativii e maragiaa de inrtigh persunaj in del 1922 el Cantieni 'l volta i spal a l'Engadina e 'l va a Cuira a fà 'l master in di düü cor, vün ciamaa „Frohsinn“ e l'olter „Ligia Grischa“. Del 1922 al 1938 l'ha insignia Müsega e Caligrafia Scöra Cantunala Grisunesa a Cuira.

La recunsiliassiun cunnt l'Engdina el riva ben püssee tard, però l'ha faa semper cünt de met insema di gran luarà cumpagn del toch «Chanzunettas» (Cansunèt in Valader).

Suta tera 'l Cantieni l'han metüü al fupun de Cuira. In sü la so preja tumbala gh'han scrivüü: «Tia chanzun viva» (= La to cansun la vif).

Literadüra[Modifega | modifica 'l sorgent]

  • Peter de Jong: Robert Cantieni - der grosse Meister der kleinen Form. In del Churermagazin 06/2010, de leng on-line: (PDF-Datei; 611 kB)

Ligam in sü la Red[Modifega | modifica 'l sorgent]