Rendsburg

Quest articol chì l'è scritt in milanes, ortografia classega.

Stema	Mapa
Dati
Stat (Land):	Schleswig-Holstein
Kreis:	Rendsburg-Eckernförde
Altèsa:	6 méter
Superfice:	23,72 km²
Popolasiù:	27 446 (31. Dic 2012)
Densità:	1157 Ab/km²
Còdes postàl:	24768
Prefis telefònich:	04331
Tàrga autom.:	RD
Còdes aministratìf:	01 0 58 135
Indirìs:	Am Gymnasium 4 24768 Rendsburg
Sit uficiàl:	www.rendsburg.de
Sìndech (Bürgermeister):	Andreas Breitner (SPD)
Puzisiù del Stadt Rendsburg im Rendsburg-Eckernförde

Rendsburg (Rendsborg in danes, che 'l se pronuncia istess che in todesch) l'è ona città de la Germania del nord, cont ona popolazion de quasi 30.000 personn.

Geografia

Rendsburg la se troeuva pù o manch in del mezz del Land del Schleswig-Holstein. L'è 'l capploeugh del circondari de Rendsburg-Eckenförde e l'è traversada del Canal de Kiel.

Storia

El pont svalzaa de Rendsburg

Se sa nò quand l'è che l'è stada fondada, fatto sta che la prima volta che la ven nominada in d'on document l'è giamò el 1199. Ona forma veggia del sò nomm a l'è Reynoldsburgh, cioè "el borgh de Reynold".
In del secol quell de tredes la faseva part del Schleswig, ma in del 1460 l'è passada a l'Holstein. La città l'è stada contenduda despess tra Danes e Todesch: la contesa l'è finida in del 1864, quand l'è passada ona volta per tutt sotta el domini de la Germania.
In del 1895, quand che hann finii el Canal de Kiel, Rendsburg l'è vegnuda bella importanta per i commersc in sul mar, anca se la se troeuva in sù la terra ferma.

Gemellagg

• Lancaster, Regn Unii.
• Vierzon, Francia.
• Aalborg, Danimarca.
• Haapsalu, Estonia.
• Kristianstad, Svezia.
• Skien, Norvegia.
• Rathenow, Germania.