Red di tram de Palermo
| Red di tram de Palermo | |
|---|---|
| |
| Tipolojia | red tranviaria |
| Stats | Itàlia |
| Territore | Palermo |
| Vertura | 2015 |
| Linie | 4 |
| Operador | AMAT |
| Sit ofiçal | www.amat.pa.it/tram/ |
| Tram | Bombardier Flexity Outlook |
| Scartament | scartament standard |
| N. stazion e fermade | 44 |
| Lungeza | 17,783 km |
| Distanza media intra i stazion | 300 m |
| Elettrificazion | 750 V CC |
| |
| istruzion | |
La red di tram de Palermo a l'è on servizzi de straport publich su rodaia faa de 4 lign e de 44 fermaa che quatten Palermo. A l'è verta dal 2015.
A l'è gestii de AMAT e l'è in progett la creazion de alter 3 lign.
Storia
[Modifega | modifica 'l sorgent]Dopo circa 40 agn che la red storica a l'è stada sarada in di agn 1980 se torna a parlà de tram a Palermo.
In del 2000 la Banca Europea di Investiment la da 88 milion de Euro per dervì el sistema.
Dopo di problema per i parchegg e i gar de appalt, in del 2006 scomincia el lavorà per tucc i lign.
A fin 2014 scomincia el pre esercizi de la linia 1, e dal 30 dicember 2015 a hinn vert tucc i lign.
Caratteristich
[Modifega | modifica 'l sorgent]El tram a l'è per la pupart in su 'na sed protegiuda cont di barrier per separàlla del traffich normal.
A gh'è anca l'asserviment semaforich che 'l permett ona velocità commerciala volta.
Lign
[Modifega | modifica 'l sorgent]I lign a hinn:
- 1 Roccella - Stazione Centrale
- 2 Borgo Nuovo - Stazion Notarbartolo
- 3 CEP - Stazion Notarbartolo
- 4 Cors Calatafimi - Stazion Notarbartolo
I capoligna a hinn conligaa cont i autobus e i stazion cont i treni regionai de la Trenitalia.
Slongament
[Modifega | modifica 'l sorgent]A la presentazion del PRG Palermo 2025 el sindegh Leoluca Orlando l'ha nonziaa che a hinn in progett alter 3 lign de tram:
La linia 5 la conligaria i dò stazion ferroviari, la linia 6 la prolongaria la linia 4 e la linia 7 la taccaria la Stazion Centrala a Mondello.
Material rotabil
[Modifega | modifica 'l sorgent]I tram doperaa a hinn di Bombardier Flexity Outlook a pianal rebassaa e faa de cinch element. Pòden portà 56 passegee settaa e 132 in pee.
A hinn longh 32 meter e largh 2,40 m e pòden rivà a 70 km/h
Bibliografia
[Modifega | modifica 'l sorgent]- Benedetto Romano, Il nuovo sistema di mobilità di Palermo, in Ingegneria ferroviaria, 60 (2006), n. 9, pp. 711-714