Pudding

De Wikipedia
Lumbard ucidental Quest articol chì l'è scrivuu in lombard, grafia milanesa.
Pudding
Origen
IPA[ˈpʊd.ɪŋ]
Pòst d'origenRegn Unii Regn Unii
Stat Unii Stat Unii
Spantegamentpaes de lengua inglesa
Dettaj
Categoriadolz
Variantdolz putost che salaa
 

Cont el nomm pudding se ciamen varii tip de specialitaa alimentar di paes de lengua inglesa[1].

Pudding salaa[Modifega | modifica 'l sorgent]

Pudding del Yorkshire, esempi de pudding salaa.
Pudding da deser al cicolatt (budin).

On primm tipo de pudding, comun soratutt in di isol britannich e in Australia el consist de ona massa sòlida ottegnuda da la mesturada di varii ingredient, anca salaa o a baa de carna, cont farinna de gran o de alter cereaj[2]. Quest tipo de pudding a l'è simil a ona torta putost che a on pastizz, o adrittura a ona luganega. El pò vess cott al forno putost che buii, e 'l se maja sia comè piatt principal sia comè dolz. I pudding buii de divers tip a eren on past comun sura i nav militar ingles di secol XVIII e XIX. Famos a hinn el pudding negher, a baa de sangu e cereaj, e 'l pudding bianch, a baa de carna varia e cereaj[3], ma a gh'hinn anca di variant vegetarian. Quest tip de pudding salaa se poden troevuà de spess anca friggiuu, soratutt in Scozia, e indi pussee famos friggitorii de pess e pomm de terra fritt.

Pudding dolz[Modifega | modifica 'l sorgent]

On segond tipo de pudding, dolz e pussee simil al budin, el consist d'ona mousse de zuccher o alter ingredient dolz cont di agent addensant comè geladinna, oeuv, uga passa, figh secch, armandol e alter ingredient. Se consuma comè deser putost che comè marendina dolza. Quest tipo de pudding dolz a l'è quell pussee spantegaa in di Staa Unii, e a l'è a quest tipo chì che se riferiss la parolla "pudding" doperada in lengov divers da l'ingles.

Vos ligaa[Modifega | modifica 'l sorgent]

Nòt e alter progett[Modifega | modifica 'l sorgent]

Wikimedia Commons
al gh'a dent roba culegada a:
  1. (EN) The Food Timeline: history notes--puddings. URL consultad in data 2/2/2015.
  2. (IT) Pudding in Vocabolario. URL consultad in data 2/2/2015.
  3. (EN) Irish Breakfast for St. Patrick's Day : Black Pudding, White Pudding, and Irish Bacon. URL consultad in data 2/2/2015.