Wikipedia:Cosa l'è minga Wikipedia

De Wikipedia
Lumbard ucidental Quest articol chì l'è scrivuu in lombard, grafia milanesa.

Wikipedia l'è ona enciclopedia online scrivuda de ona comunità de utent volontari (wikipedista); quella pagina chì la serviss inveci per spiegà quell che l'è minga Wikipedia.

Wikipedia l'è minga...[modifica 'l sorgent]

... on'enciclopedia de carta[modifica 'l sorgent]

Wikipedia l'è minga fada de carta. Quell fatt chì el voeur dì che gh'è minga on limit al numer de argoment che pòden vess trattaa, foeura che i argoment che vann contra i pont presentaa in questa pagina.

Vun di limit l'è la dimension de ona vos, vist che vos tropp longh pòden creà problemma a i utent che gh'hann la connezzion lenta e pòden vess tropp pesant de legg; i vos che diventen tropp longh l'è mej spartij in tanti vos pussee piscininn.

... on'enciclopedia regional[modifica 'l sorgent]

La Wikipedia lombarda l'è minga l'enciclopedia de la Lombardia ma ona enciclopedia in lombard e donca indipendenta de on paes o de ona region.

... on dizionari o on librett de istruzion[modifica 'l sorgent]

Wikipedia l'è minga on dizionari. Donca, i vos de Wikipedia deven minga vess domà di definizion, ma gh'hann de trattà l'argoment cont on minim de bondanza. L'è anca mej scriv no di vos che hinn domà list de definizion. Tegn a ment che in Wikimedia gh'è di progett appòsta per scriv i dizionari, o ben el Wikizionari.

Wikipedia l'è minga on librett de istruzion o on liber de cusinna. Scriv minga i vos per spiegà come se doperen i ròbb, come se prepara el risòtt, o quand la se dopera ona certa paròlla o ona certa espression. Per quella roba lì, a gh'è WikiLiber.

... on sit de discussion[modifica 'l sorgent]

Wikipedia l'è minga un gropp de discussion e gnanca on sacch de articoj pu o manch organizzaa. Wikipedia l'è gnanca on forum de discussion e gnanca ona chat o un blog. Per contra a l'è possibil descorr insemma aj olter utent in su la pagina personalao in su la pagina de discussion de on articol particolar. Per i quistion pussee generaj, el sitt pussee indicaa a l'è el Grott.

... una tribuna de propaganda[modifica 'l sorgent]

Wikipedia a l'è minga nassuda per fà cognoss on progett, on savè, ona personna, ona associazion o on quejcoss che l'è ignoraa di media o de l'opinion pubblega. Al contrari, Wikipedia la reporta el savè giamò cognossuu in su on quejcoss che'l respond a criteri de notorietaa.

... una manera comoda de fà reclam[modifica 'l sorgent]

Wikipedia la pò minga vess drovada per inserì articoj de promozion comerciala de on artista, on debuttant, on avveniment, on marcaa, ona botia o on offizzi. Ij articoj che responden minga a criteri de enciclopedicitaa o de ammissibilitaa prest o tard vegnaran traa via.

... on fornidor de spazzi web[modifica 'l sorgent]

Se pò minga doperà Wikipedia comè proppi sitt o blog personal. Tucc i utent de Wikipedia gh'hann la sova pagina persunala che la vegn doprada per mett dent informazion inerent l'enciclopedia, ma la pò minga vess doprada per mett el curriculum vitae o per deposità dati o file inutij.

... on tutor[modifica 'l sorgent]

I wikipedista hinn minga chì per respondet a tì, ma per scriv i vos; donca, dopera minga i pagin de discussion per ciamaggh on quejcoss a on quejvun. Se te gh'heet bisògn de savè on quajcòss, proeuva a doperà el motor de ricerca intern de Wikipedia oppur, in alternativa, i motor de ricerca de foeura (per esempi Google o Yahoo).

Se pròppi pròppi l'è ona quistion de vitta o de mòrt, proeuva a fà on gir a l'oracol de Wikipedia.

... on romanz[modifica 'l sorgent]

I vos de Wikipedia gh'hann de vess scrivuu per fòrza in d'ona manera enciclopedica; dì inscì el voeur dì che ghe voeur semper approfondì i argoment, per quattai mej ch'el sia possibil. El fatt che Wikipedia l'è minga on romanz el comporta anca che te gh'heet de scriv i vos in d'on stil succ, ch'el faga capì i concett, senza sbrodolà tròpp cont i paròll.

... on sitt protett[modifica 'l sorgent]

In su la Wikipedia ghe poden vess argoment, immagin e contegnuu sgresg, vonsc, schivios e che hinn contrari a la moralità, religion e pensee de 'n quajvun. Soratutt, la Wikipedia l'è minga censurada per i fiolitt.

I ròbb che hinn contra ai politegh de l'Enciclopedia o a la lesg di Statt Unii, paes che l'è hostada la Wikipedia, sarann scancellaa.

Abreviazion: Wikipedia a l'è no ...[modifica 'l sorgent]

WNB: Wikipedia a l'è No on Blog
WNC: Wikipedia a l'è No ona Chat
WNCV: Wikipedia No Curriculum Vitae
WND: Wikipedia a l'è No on Dizionari
WNEL: Wikipedia a l'è No ona Lista de Ligamm
WNF: Wikipedia a l'è No on Forum
WNP: Wikipedia No Pubblicitaa
WNR: Wikipedia a l'è No l'offizzi Reclam
WNRO: Wikipedia No Ricerch Originaj
WNT: Wikipedia a l'è No on Tutorial
WNV: Wikipedia No Vandalism
WNR: Wikipedia a l'è No ona Rivista

Vus corlligaa[modifica 'l sorgent]

Wikipedia:Cinqu pilaster