Primula farinosa

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
Primula farinosa
Primula spp Sturm61.jpg
Classifigazion sientífiga
Regn: Plantae
SubRegn: Tracheobionta
Division: Magnoliophyta
Clas: Magnoliopsida
Subclassa: Dilleniidae
Ùrden: Ericales
Famìa: Primulaceae
Sota-famìa: Primuloideae
Zèner: Primula
Spéce: P. farinosa
Nomm binomial
Primula farinosa
L. (1753)

Primula farinosa l'è 'na spéce de piànta de la famìa botànica de le Primulaceae.

Descrisiù[Modifega | mudìfica 'l sorgènt]

Ezemplar fotografàt endèla zòna del Pas del Crocedòmini (BS)

L'è 'na piànta perène co le raìs fasicolàde sitìle e biànche. El gamp l'è sènsa fòie, de sesiù circolàr co apéna apéna 'n brìs pelüria biànca. El vé alt 8-15(30) ghèi.

Le fòie bazài i è lónghe dei 2 ai 8 ghèi e le fùrma 'na rözèta. I è de fùrma lineàr o lanceolàt-spatolàde, de 'na larghèsa màsima 'ndèla metà apicàl ('nfina a 15 ghèi). L'òrlo l'è ondulàt, vérde 'nsìma e bianch-farinùze 'ndèla fàcia de sóta. El gambì de le fòie l'è scanalàt.

La 'nfiurescènsa l'è furmàda de umbrilìne de 5 a 20 fiùr (de rar méno de sich), con dele bràtee lineàre de 4-5 mm; i pedezèi i è lonch dei 3 ai 16 mm, el càles l'è scür a angulùs de 5-6 mm farinùs sö l'òrlo, coi décc a àngol gös, tübo curulì lónch compàgn del càles o póch de piö. La coròla l'è de 8-12 mm de diàmetro de culùr rösa che tìra al lìla (de rar biànca) coi pétali obcordàcc mìa del töt separàcc entra de lur. La part centràl (fàuce) l'è zàlda.

I fröcc i è 'na càpsula a fùrma de öf de 7-9 mm, coi granì de somésa rós-scür.


Habitat[Modifega | mudìfica 'l sorgènt]

La 'nfiurescènsa a umbrilìna

La crès endèle zòne ömede arènt a le risorgìve e 'ndèi pràcc turbùs. Se la tróa 'n töte le regiù de l'Italia setentriunàla 'ndèi ambièncc alpì 'nfìna ai 2650 méter.

Sinònim[Modifega | mudìfica 'l sorgènt]

Riferimèncc[Modifega | mudìfica 'l sorgènt]

  1. Sinònim en Catalogue of life


Commons-logo.svg
Wikimedia Commons
al gh'a dent roba culegada a: