Prima Tessalunices Capitel Quater

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Prima Tessalunices[Modifega | modifica 'l sorgent]

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Quater[Modifega | modifica 'l sorgent]

1Per el rest, fradèj, ve dumandum e esurtum in del Signúr Gesü che propi cumè avii ricevüü per nümm cumè gh'avii de caminà e piasè a Diu, cumè anca caminii, perchè bundii püssee. 2Già che savii quij cumandamént v'èmm daa travèrs el Signúr Gesü. 3Già che chèsta l'è la vuluntaa de Diu, la vostra santifegaziún: che ve tegnii del pecaa sessüal, 4che ognidün de vialter el sa tegnì el propi atrèzz[1] in de santitaa e unúr, 5no in de passiún de desideri, cumè i naziún che cugnussen minga Diu, 6che trasgredii no né prufitii del voster fradèll in di afár[2], perchè 'l Signúr l'è un vendicadúr de tücc chèstcoss, cumè anca èmm dii prima e daa testimunianza. 7Già che Diu 'l v'ha minga ciamaa a l'impüritaa, ma a la santitaa. 8Dunca, lü che 'l despreza el despreza minga un vèss üman ma Diu che l'ha daa el sò Spirit Sant a vialter.
9E sül bén di fradèj, gh'avii minga besogn che quajdün v'en scriva, già che vialter medemm hinn insegnaa de Diu a vurè bén el vün l'alter, 10defàtt, anca el fii a tücc i fradèj che hinn in de tüta la Macedonia. Ma nümm ve incuragium, fradèj, a avègh ancamò püssee che assee[3] 11e gh'avarìuv ambiziún de viv quietamént, de fà i voster propi coss e de lavurà i voster man, cumè v'èmm urdinaa, 12perchè caminuv in d'una manéra unurèvula vèrs lur de föra e gh'àbiuv nigün besogn.
13Ma vörum no che siuv gnurant, fradèj, sü lur che s'hinn cucaa via[4], perchè siuv minga trist cumè anca 'l rest[5] che gh'hann minga speranza. 14Già che se credum che Gesü l'è mort e s'è drizaa sü[6], inscì Diu el porta anca lur che s'hinn cucaa via per mèzz de Gesü cun lü.
15Defàtt, ve disum chèst sü la parola del Signúr, che nümm che vivum, che restum per la vegnüda del Signúr vegnarèmm no prima denanz a lur che s'hinn cucaa via; 16perchè 'l Signúr medemm, a un'orden, a la vus d'un arcangiul e a la trumba de Diu vegnarà giò del cél e i mort in de Crist se drizarànn sü prima, 17alura nümm che vivum, che restum, sarèmm brancaa insèma cun lur in di nivul per impatà 'l Signúr in de l'aria; e inscì sarèmm cunt el Signúr per semper. 18Dunca, incuragieev el vün l'alter cun chèst paroll.

  1. o corp; miee
  2. It. negli affari
  3. It. più che abbastanza
  4. o s'hinn indurmentaa, anca in de 14 e 15
  5. o i alter
  6. o levaa sü

Navigaziun[Modifega | modifica 'l sorgent]