Prima Tessalunices Capitel Cinch

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Prima Tessalunices[Modifega | modifica 'l sorgent]

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Cinch[Modifega | modifica 'l sorgent]

1E sü i témp e i stagiún, fradèj, gh'avii minga besogn che quajdün el ve scriva, 2già che vialter medemm savii perfetamént che el dì del Signúr el ven cumè un lader de nocc[1]. 3Quand se'l dis: «Pas e següréza», alura a l'impruvista el ven rüìna cumè i döj del part a una dona pregna, e tabacarànn no via. 4Ma vialter, fradèj, sii no in del scür, che el dì el ve branca cumè un lader, 5già che tücc vialter sii fiöö de la lüs e fiöö del dì. Sèmm né de la nocc né del scür: 6dunca, durmarìum no cumè el rest ma starìum sü[2] e sarìum muderaa[3]. 7Già che lur che dormen, dormen de nocc, e lur che se ciuchen, se ciuchen de nocc; 8ma nümm, già che sèmm del dì, sarìum muderaa, despö che s'èmm vestii cun la curaza de la féd e del bén, e per l'elmu la speranza de la salvéza; 9perchè Diu 'l m'ha minga metüü per l'ira, ma per l'utegnì de la salvéza per mèzz del Signúr Gesü Crist 10che l'è mort per nümm, perchè sia che stèmm sü sia che dormum, vivum insèma cun lü.
11Dunca, incuragieev el vün l'alter, e fee sü[4] el vün l'alter, cumè già fii.
12Ma ve dumandum, fradèj, d'avègh riguard per quij che travajen intra vialter e hinn metüü sura de vialter in del Signúr e che ve visen 13e de cunsideràj grandamént in del bén per via del lur lavúr. Vivii in de pas intra vialter medemm. 14E ve racumandi, fradèj, visee i zavaj, cunsulee i timid, tegnii sald i débul, sarìuv paziént cun tücc. 15Vardee che nigün el paga indree a un alter mal per mal, ma semper cerchee 'l bén el vün a i alter e a tücc.
16Sarìuv letizia semper,
17preghee sénza 'l cessà
18Dee grazi in de tüsscoss:
perchè chèsta l'è la vuluntaa de Diu in de Crist Gesü per vialter.
19Smurzee minga el Spirit,
20Desprezee minga i prufezi,
21e pruvee tüsscoss, tegnii sald la bona cossa,
22tegniiv d'ogni furma de mal.
23E 'l Diu de la pas medemm el ve faga sant cumpletamént, e 'l sia vardaa[5] tütt el voster spirit, anema e corp, sénza culpa per la vegnüda del noster Signúr Gesü Crist. 24Lü che 'l ve ciama l'è fedél, che 'l ghe farà.
25Fradèj, preghee per nümm.
26Salüdee tücc i fradèj cun un bas sant. 27Ve scungiüri, per el Signúr, che chèsta letera la sia leta a tücc i fradèj.
28La grazia del noster Signúr Gesü Crist la sia cun vialter.

  1. leteralamént cumè un lader in d'una nocc, inscì el ven
  2. o vegiarìum, anca in de 10
  3. l'è de dì, muderaa de bév
  4. o fabrichee, tiree sü
  5. o tegnüü

Navigaziun[Modifega | modifica 'l sorgent]