Segunda Tessalunices Capitel Vün
|
|
Quel articul chì l'è scrivüü in Lumbard, cun l'urtugrafia insübrica ünificada. |
Prima Tessalunices
[Modifega | modifica 'l sorgent]La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.
Capitel Vün
[Modifega | modifica 'l sorgent]1Paül, Silvan e Timutee, a la gésa di Tessalunices in de Diu el noster Pader e 'l Signúr Gesü Crist, 2grazia a vialter e pas de Diu el Pader e 'l Signúr Gesü Crist.
3Gh'èmm de dà grazi a Diu semper per vialter, fradèj, cumè l'è dègn, perchè la vostra féd la cress grandamént e 'l voster bén d'ognidün de tücc vialter per i alter l'è püssee d'assee, 4perchè nümm medemm me dèmm gloria de vialter in di gés de Diu per la vostra perseveranza e féd in de tücc i voster persecüziún e i turmént che supurtii. 5L'è un sègn del giüst giüdizi de Diu perchè vialter siuv cunsideraa dègn del règn de Diu, per el qual anca patii, 6già che l'è giüst a Diu che 'l paga indree turmént a quij che ve turmenten 7e 'l requià a vialter che sii turmentaa cun nümm in del revelà del Signúr Gesü del cél cunt i angiul de la sua puténza 8in d'un fögh de fiama, per fà vendèta de lur che cugnussen minga Diu e übeden minga al vangel del noster Signúr Gesü, 9i quij pagarànn la péna de destrüziún eterna de la fàcia del Signúr e de la gloria de la sua forza, 10quand el vegnarà per vèss daa gloria in di sò sant e per vèss amiraa in de tücc che creden, perchè la nostra testimunianza l'era credüda intra vialter in de chèll dì. 11Al qual pregum semper per vialter, perchè Diu el ve faga dègn de la ciamada[1] e 'l faga pièn[2] ogni desidéri del bén e lavúr de la féd cun puténza, 12perchè 'l sia daa gloria el nomm del noster Signúr Gesü intra vialter e vialter in de lü, segund la grazia del noster Diu e Signúr Gesü Crist.