Prima Curinz Capitel Vott

Quel articul chì l'è scrivüü in Lumbard, cun l'urtugrafia insübrica ünificada.

Prima Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Vott

¹E sü i robb che hinn sacrifegaa a i iduj, savèmm che nümm tücc gh'èmm cugnussénza. La cugnussénza la sgunfia sü, ma 'l bén el fa sü; ²Se quajdün el pensa che l'ha savüü quajcossa, l'ha minga anmò savüü cuma gh'avarìuv de savè; ³E se quajdün el vör bén Diu, lü l'è cugnussüü de Lü.
⁴Dunca, sü i mangià che hinn sacrifegaa a i iduj, savèmm che un idul in del mund l'è nagott, e che 'l gh'è no nissün diu, se no el Vün. ⁵Già che anca se gh'hinn quij che hinn ciamaa «di», se in del cél o sü la tèra, propi cuma gh'hinn tant di e tant signúr,
⁶ma a nümm el Pader l'è vün Diu,
del qual hinn tüsscoss e nümm in de Lü,
e vün Signúr Gesü Crist,
per mèzz del qual hinn tüsscoss e nümm per mèzz de Lü.
⁷Ma la cugnussénza la gh'è no in de tücc; e quij per custüm de l'idul fin a adèss mangen cuma sacrifegaa, e la lur cuscénza, perchè l'è dèbula, l'è cuntaminaa. ⁸Ma el mangià el me presenta no a Diu; né se mangium, gh'èmm tant mén, né se mangium, gh'èmm tant püssee. ⁹E vedii che forsi chèsta vostra auturitaa la devegna no una prèja de scarpüsc per i dèbuj. ¹⁰Già che se quajdün el te ved, tì che te gh'hee cugnussénza, racaa giò a mangià in d'un témpi d'iduj, la sua cuscénza, degià che l'è dèbula, la sarà faa sü a mangià i robb che hinn sacrifegaa a i iduj? ¹¹Già che lü che l'è dèbul l'è destrütt per via de la tua cugnussénza, el fradèll per via del qual Crist l'è mort. ¹²E quand pechii inscì cuntra i fradèj e ferii la lur cuscénza dèbula, pechii cuntra 'l Crist! ¹³Dunca, se 'l mangià el fa che 'l mè fradèll el peca, mangiaruu mai pü la carna, per fà no che 'l mè fradèll el peca.

Navigaziun

• ← Indree a Capitel Sett
• Inanz a Capitel Növ →
• A l'indes