Prima Curinz Capitel Növ

Quel articul chì l'è scrivüü in Lumbard, cun l'urtugrafia insübrica ünificada.

Prima Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Növ

¹Mì sun no liber? Mì sun no apostul? Huu minga vedüü 'l noster Signúr Gesü? Vialter sii no el mè laur in del Signúr? ²Se sun minga apostul a i alter, almén sun a vialter; già che vialter sii el mè sigill del apustulaa in del Signúr.
³Chèsta l'è la mia difèsa a quij che me giüdeghen. ⁴Gh'èmm minga l'auturitaa de mangià e de bév? ⁵Gh'èmm minga l'auturitaa de menà in gir una surèla cuma miee, cuma i alter apostuj, i fradèj del Signúr e Cefa? ⁶O dumà mì e Barnaba gh'èmm minga l'auturitaa de laurà no?
⁷Chi 'l cumbatt mai per i sò propi pagh? Chi 'l pianta una vigna e 'l mangia minga el sò frütt? Chi 'l tén un rosc de pegúr e 'l mangia minga del lacc del rosc?
⁸Disi minga chèstcoss segund un vèss üman o anca la lég la dis minga chèstcoss? ⁹Già che in de la lég de Musè l'è staa scritt: «Te metaree minga el bucanèll sü un bö che 'l trabata 'l gran». Importen no i bö a Diu, ¹⁰o el dis tücc chèst per nümm? Già che per nümm l'è staa scritt che «Lü che l'ara el gh'ha de arà cun speranza, e lü che 'l trabata cun la speranza del ciapà part. ¹¹Se nümm èmm sumenaa robb spiritüaj intra vialter, l'è una granda roba se cöjum robb carnaj?
¹²Se alter ciapen part in de l'auturitaa sura de vialter, no pütost nümm, ma èmm minga duvraa chèsta auturitaa, ma supurtum tüsscoss, per dà minga quajdün ustacul al vangel del Crist.
¹³Savii no che quij che uperen i témpi mangen robb del témpi, quij che ministren a l'altar hann part di robb a l'altar? ¹⁴Inscì anca 'l Signúr l'ha urdinaa che quij che predichen el vangel el viv del vangel.
¹⁵Ma mì huu minga duvraa nissün de chèstcoss, e huu minga scritt chèst, perchè 'l sia inscì cun mì; già che l'è bun, mèj per mì a murì che... Nissün el farà svöj el mè vant. ¹⁶Già che se predichi el vangel, el vant l'è no per mì; già che una necessitaa l'è metüü sü mì; già che guaj l'è a mì se predichi minga el vangel! ¹⁷Già che se fuu chèst vulentéra, gh'huu una recumpénsa; ma se cuntra vöja, sun staa fidaa cunt un'aministraziún; ¹⁸dunca, che cossa l'è la mia recumpénsa? Perchè, intanta che predichi el vangel, mì a poda mètt el vangel gratis, per duvrà minga cumpletamént la mia auturitaa in del vangel.
¹⁹Defàtt, ancabén sun liber de tücc, me fuu un s'ciav a tücc per guadagnà püssee personn; ²⁰e sun devegnüü cuma un Giüdee a i Giüdee, per guadagnà Giüdee; cuma suta la lég a quij suta la lég, ancabén sun no suta la lég, per guadagnà quij suta la lég; ²¹a quij sénza lég cuma sénza lég, ancabén sun no sénza la lég de Diu ma in de la lég del Crist, per guadagnà quij sénza lég; ²²sun devegnüü dèbul a i dèbuj, per guadagnà i dèbuj; sun devegnüü tüsscoss a tücc, per salvà quij in d'ogni manéra. ²³E fuu tüsscoss per el vangel, per devegnì vün che l'en ciapa part.
²⁴Savii no che quij che curen in de la cursa, tücc curen, ma vün el ricev el prémi? Curii inscì per brancàll! ²⁵E ogni persona che la racula la gh'ha cuntroll de sé medemm in de tüsscoss, dunca lur per ricév una curona curutibila, ma nümm per vöna incurutibila. ²⁶Dunca, mì curi inscì cuma no in de möd incèrt, inscì fuu 'l buxör, cuma culpend no l'aer; ²⁷ma culpi el mè corp e 'l fuu un s'ciav, perchè forsi, despö che sun predicaa a i alter, mì medemm a sia minga desqualifegaa.

Navigaziun

• ← Indree a Capitel Vott
• Inanz a Capitel Des →
• A l'indes