Prim emendament (Costituzzion di Stat Unid)

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
Test scrivud a man de l'emendament

El prim emendament a la Costituzzion di Stat Unid l'è part de la Deciarazzion di Dirizz e 'l ghe vieta al Congress di Stat Unid de meter di lesg che stabilissen una religion ofiziala, che vieten de esercitànn voeuna o che in quajsevoeul manera limiten la libertà de parolla, la libertà de stampa, la libertà de assemblea e de fàgh petizzion al governo.

Vorzud di anti-federalista per evità de dagh trop de poder al governo federal e in vigor del 15 de dicember 1791, a l'era in principi doperad domà per i legg federai del Congress: a partì del 1925 con Gitlow v. New York l'è stad incorporad per quatà anca i legg statai grazzia a la Clausola del Giust Process de l'Emendament quell de quatordes.

'Sto emendament l'ha menad la Cort Suprema a toeu via la pupart de la common law inglesa in su la difamazzion, come se po vedè in del cas New York Times Co. v. Sullivan. El var domà per di ator statai, ma l'è assee spantegada l'ideja fallada che 'l limita tucc de limità el dirizz de parola.

El prim emendament el tutela anca di rob compagn del vilipendi de bandera (Stromberg v. California), l'us de l'Internet di maniach sessuai (Packingham v. North Carolina), brusà la cros compagn del Ku Klux Klan se fad no per intimidazzion (Virginia v. Black) e 'l deciarà de havégh di onoreficenz che se gh'hann minga (United States v. Alvarez) e 'l proteg i sgent anca de vesser obligad de fà un discors. El proteg men el descor comercial, che 'l po donca vesser regolad enter di limit, e 'l gh'ha di ecezzion compagn de 'n incitament che 'l po menà a 'n azzion illegala imediata o al suicidi, i deciarazzion fals de un fat, l'oscenità (cont el test de Miller), la pedopornografia (semper, senza ecezzion del test de Miller, se veda New York v. Ferber), menasce credibil, descors che 'l po menà a 'n imediad destrurb de la quiet publega, menascià el President di Stat Unid, descor protegiud del dirizz d'autor e, per i soldad e dipendent del governo, ghe poden vesser di olter limitazzion.

Test de l'emendament[Modifega | modifica 'l sorgent]

Wikiquote-logo.svg
«El Congress el farà no di lesg per recognosser una religion o per vietàn el liber esercizzi, per limità la libertà de parola, de la stampa o del popol de unìss pacificament e de fàgh petizzion al governo per la reparazzion di tort.»

Riferiment[Modifega | modifica 'l sorgent]

Vos corelad[Modifega | modifica 'l sorgent]