Press F to pay respects
|
Quest articol chì l'è scrivud in lombard, con la Noeuva Ortografia Lombarda |
Press F to pay respects (schiscia F per mostrà rispet in ingles) a l'è una fras del videosgioeugh Call of Duty: Advanced Warfare, sbara-tut in prima persona del 2014, indova che in del mez de 'n obet el gh'ha de schiscià a la svelta la F (
in su la Xbox e 
in su la PlayStation) inscì de mostrà el so rispet al mort, che l'è un so camarada di Marines che l'è mort salvandégh la vita.
Vist 'me de dubi gust di recensor, soratut per l'oblegh de interazzion in d'un funeral, l'è deventad a la svelta un meme in su l'Internet e, cont el temp, l'ha anca perdud el so signifegad ironegh, e l'è stad doperad in manera seria e sincera 'me manera de mostrà dolor e svesinanza dopo una mort o 'n event gram. Per quella reson chi a l'è considerad vun di meme che el gh'ha havud pussee de sucess e l'è vegnud foeura del mond di videosgioeugh.