Pleiospilos

Chest artícol a l'è scricc in Lumbàrt, ortograféa orientàl unificàda.

Pleiospilos
Pleiospilos nelii
Classifigazion sientífiga
Regn: Plantae Division: Magnoliophyta Clas: Magnoliopsida Subclassa: Caryophyllidae Ùrden: Caryophyllales Famìa: Aizoaceae Sota-famìa: Ruschioideae Stìrpa: Ruschieae Zèner: Pleiospilos N.E.Br. 1925
Especies
Ver texto

Pleiospilos l'è 'n zèner de piànte suculènte che fà part de la famìa botànica de le Aizoaceae uriginàre del Sudafrica. L'è 'n zèner emparentàt col zèner Lithops.

Caraterìstiche

La pursiù epigèa de chèste piànte la se rödés a 'n pér de fòie quàse semisfériche, bèle suculènte. Le dò semisfére i è separàde de 'na sfrizidüra bèla profónda. El culùr de le fòie el và del vért médio/scür 'nfìna al gris en sèrte spéci e i è töte piéne de püntì picinì piö scür o che tìra al gris. La còpia de fòie le düra apéna 'na stagiù, quan che vé sà la fì de l'istàt le tàca a secàs e de 'n mès a la sfrizidüra se fùrma en pér de fòie nöe che le ciaparà el pòst de chèle ècie. El gamp de la piantìna l'è cürt e 'l vànsa mìa sö de del teré.
De la sfrizidüra centrala, entra l'istàt e l'autuno nas apò a i fiùr, de color salmù o zalt piö o méno cargàt. I è grancc presapóch 7 ghèi e i è furmàcc de 'na màsa bèla spèsa de stam zalcc en mès e töt entùren i nömerùs staminóde petalòidi (cioè a fùrma de pétalo) lónch e strècc.

Spéci

Le spéci acetàde, segónt el sit del giardì botànich del Missouri, per el zèner Pleiospiols i è apéna 4, piö trè sotaspéci:

• Pleiospilos bolusii (Hook. f.) N.E. Br.
• Pleiospilos compactus Schwantes
  • Pleiospilos compactus subsp. canus H.E.K. Hartmann & Liede
  • Pleiospilos compactus subsp. fergusoniae H.E.K. Hartmann & Liede
  • Pleiospilos compactus subsp. minor H.E.K. Hartmann & Liede
  • Pleiospilos compactus subsp. sororius H.E.K. Hartmann & Liede
• Pleiospilos nelii Schwantes
• Pleiospilos simulans N.E. Br

Riferimèncc

Wikimedia Commons

al gh'a dent roba culegada a:

Pleiospilos