Lithops

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
Lithops
Lithops marmorata
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Caryophyllales
Famìa: Aizoaceae
Sota-famìa: Ruschioideae
Stìrpa: Ruschieae
Zèner: Lithops
N.E.Br.

Lithops l'è 'n zèner de piànte suculènte che fà part de la famìa botànica de le Aizoaceae uriginàre de l'Africa australa. I è cultiàde dei apasiunàcc de piànte gràse e i è cunusìcc col nòm popolàr de "balòcc vif".

En natüra de spès la piànta la rèsta quàze töta sóta la sàbia e ànsa sö apéna la fàcia orizontàl de le dò fòie carnùze opòste e tacàde ensèma che costetöés la part epìfita de la piànta. Le dò fòie i è dividìde de 'na sfrizidüra de 'ndóche se fùrma e se svelöpa el fiùr. Ògna còpia de fòie le fùrma el còrp de la piànta che endèl sò ensèma la g'ha fùrma cilìndrica o cònica condena süpefìce piàna. De la sfrizidüra 'ntra le dò fòie, endel perìot vegetatìf, nas apò e le dò fòie nöe e quan che le se derf del töt le dò ècie le se sèca. De spès sö la part piàna gh'è come dele "finèstre" cioè dele zòne trasparènte o traslücide sènsa clorofìla, de 'ndóche pàsa la lùce destinàda a le parcc piö intèrne e sotràde de la piànta.

La fiuridüra l'è 'n autùno. I fiùr i se derf el dopodisnàt o 'nvers séra e i g'ha fùrma che se 'nsomèa a le margherìte, piö grancc del còrp de la piantìna, de culùr biànch o zalt e apéna apéna prufumàcc. ògna piàntìna la fà sö en fiùr sul.

Spéci[Mudifega | mudìfica 'l sorgènt]

Le spéci acetàde, segónt el sit del giardì botànich del Missouri, per el zèner Lithops i è 32[1]:

Galeria de fóti[Mudifega | mudìfica 'l sorgènt]

Colegamèncc estèrni[Mudifega | mudìfica 'l sorgènt]

Riferimèncc[Mudifega | mudìfica 'l sorgènt]

  1. Lithops en PlantList consültàt endèl més de utùer del 2014


Commons-logo.svg
Wikimedia Commons
al gh'a dent roba culegada a: