Pellicola fotografega

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
On borlonin de pellicola fotografega

La pellicola fotografega a l'è on support per l'impression de immagin drovaa in de la fotografia analogega[1]. Generalment a l'è faa su d'ona banda de material plastic trasparent, quattaa in su ona part cont ona emulsion geladinosa che la contegn particell microscopeghe de alogenur d'argent, un compost chimegh che a l'è sensibil a la lus. I caratteristegh d'i particell determinen la luminositàa, el contrast e la resoluzion de l'immagin final.

In de le pellicole in bianch e negher gh'è domà on soeul d'emulsion fotosensibil, mentre in de le pellicole a color ghe servissen tri soeul different, vun per ognidun d'i frequenz luminos drovaa in de la sintesi cromatega sottrattiva per componn l'immagin final. I soeul hinn mettuu vun sora l'alter cont el primm che a l'è sensibil a i frequenz del ross, el second a quei del verd e el terz a quei del bloeu.

L'emulsion a l'è generalment fada su per percepii la lus visibil, ma la po vess tarada anca per i frequenz de l'infraross, de l'ultraviolett, de i ragg X e de i ragg gamma.

Riferiment[<small>Mudifega</small> | mudìfica 'l sorgènt]

  1. Pellicola, sapere.it.

Vos correlaa[<small>Mudifega</small> | mudìfica 'l sorgènt]