Diapositiva

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Ona diapositiva a color

Ona diapositiva a l'è ona tipologia de pellicola fotografega a color o en bianch e negher che l'è costituida da ona immagin positiva sora ona superfis trasparent. La diapositiva la pò vess generalment inserida dent on telar de platica - o anca de carton - che l'è drovàa per podella mej vedè travers on proiettor de diapositiv. El formàa de diapositiva pussée drovàa a l'è quel cont la dimension de 35 mm, incornesada in d'on telar de 2 x 2 pollis.

I diapositiv se poeuden realizzàa direttament en positiv, travers d'i materiai 'me i pellicol invertibil, ma anca a stampà on negativ sora ona pellicola negativa anca lee[1]. In del svilupp d'i diapositiv a color el se poeuden drovàa i procediment de la sintesi cromatega sottrattiva ('me i autocromij d'i fradej Lumiere) e de la sintesi cromatega additiva. La pellicola pussée drovada in del XX secol per el procediment de la sintesi sottrativa in del svilupp d'i diapositiv a color a l'è stada la Kodachrome de l'azienda americana Kodak.

El termin diapositiva el vegn sù da la parolla greca δια (dia, che 'l voeur di "travers") e da quella latina positiva, cont el significaa de podè vedè l'immagin positiva domà se questa a l'è traversada da la lus.

Riferiment[Modifega | mudìfica 'l sorgènt]

  1. Diapositiva, treccani.it.

Vos correlaa[Modifega | mudìfica 'l sorgènt]