Parc del Pianvolt de Romaneng

De Wikipedia
Jump to navigation Jump to search
Quell articol qì l'è scrivud in Lombard, ortografia SL.


El Parc del Pianvolt de Romaneng e dei Navili Cremones (in italian Parco del Pianalto di Romanengo e dei Navigli cremonesi) l’è un PLIS (Parc Local de Interess Soracumunal) cread da la Provinça de Cremona con le Deliberazion de la Jœnta Provinçal n° 116 del 4 marz 2003, n° 277 del 25 maj 2003 e n° 332 del 17 jœgn 2005.

El Parc al sgrandiss l'area jamò protejida de la Riserva natural del Navele de la Melota (creada da la Rejon Lombardia ind el 1983) dent ind el “Pianvolt” de Romaneng, un rialz de terra de formazion pleistocenega qe l’è 10-15 meter plussee volt de la pianura aluvional qe la sta tœt intorna.

De grand interessi ind la zona, l’è la red idrega dei Navili ("Naéle" segond la prononça local), i cors d'aqua qe i vegnen fœra da l'Oi o dai fontanii. El parc al serv a conservar l'idrografia, i bosc, e le fasse alberade, le çes, e anca a render naturai i lagets qe una vœlta i eren de le cave e adess i enn stads occupads da la vejetazion aquatega e da qella de le rive.

L'area del Pianvolt l’è una part importanta del projet d’educazion ambiental de la Provinça de Cremona qe al se ciama in italian "Il territorio come ecomuseo".

Riferiments[Modifega | mudìfica 'l sorgènt]

Ligam de fœra[Modifega | mudìfica 'l sorgènt]