Paolo Arrigoni (1957)

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda

El Paolo Arrigoni (Milan, 15 de luj 1957) a l'è un politegh italian, president de la Lombardia del 1994 al 1995.

Biografia[Modifega | modifica 'l sorgent]

Fonzionari municipal a Sondri, in del 1990 l'è elegiud al Consili Regional de la Lombardia con la Liga Lombarda, elegiud in del bressan. In del 1991 el passa a la Liga Noeuva del Franco Castellazzi, ma el torna poch dopo in del moviment del Bossi.

Borlada la sgionta de la Fiorella Ghilardotti l'è incarigad de fà su una sgionta noeuva: el so brev governo l'è marcad de un quai scandol di so assessor, che però inn stad tut assolt a la fin. L'è stad el prim leghista elegiud president regional e per vedènn un alter el gh'è stad de specià el Robert Maron in del 2013.

In del 1995 el proeuva a candidàss president de la provincia de Sondri, ma el ghe riva no al ballottagg, e 'l da donca el so sostegn al center-sinistra, e 'l causa donca un poo de rebellot in la Liga local: l'ann dopo i dissapor vann inanz e 'l molla el partid.

In del 2008 el proeuva a candidàss a la Cambra di Deputad con l'UdC, ma el riess no a vesser elegiud.

Riferiment[Modifega | modifica 'l sorgent]