Ospedal Nazzional del Liechtenstein
|
Quest articol chì l'è scrivud in lombard, con la Noeuva Ortografia Lombarda |
L'Ospedal Nazzional del Liechtenstein (Liechtensteinisches Landesspital in todesch) a l'è l'unegh ospedal publegh del Liechtenstein, sit a Vaduz e organizad 'me fondazzion independent de dirit publegh.
Un prim ospedal l'è stad fad su in del 1892, 'me ospedal comunal, e l'è slargad assee del 1977 al 1981. In del 1971 la Cros Rossa del Liechtenstein la fa su un servizzi de socors che l'è incentrad in su l'ospedal. In del 2000 la proprietà de l'ospedal la passa del comun al Stat, el nom l'è cambiad de "Ospedal de Vaduz" a "Ospedal Nazzional" e 'l deventa 'na fondazzion de dirit publegh, e in del 2004 a l'è fad su un noeuv repart e in del 2009 ghe meten una resonanza magnetega.
In del 2011 el Landtag del Liechtenstein l'insubiss de fà su un noeuv ospedal cont un prestit de 83 milion de franch, ma i citadin disen de no in d'un referendum.