Oscillazion de l'Atlantich del Nòrd

De Wikipedia
Lumbard ucidental Quest articol chì l'è scrivuu in lombard, grafia milanesa.

L’oscillazion de l'Atlantich del Nòrd (NAO, de la lengua inglesa Nord Atlantich Oscillazion) a l’è el ramm atlantich de l’oscillazion artica o ben l’oscillazion periòdica tra l’intensità del ciclon de l'Islanda e quèlla de l’anticiclon di Azzòrre. Quand che el ramm atlantich del vòrtes polar (o ben el ciclon de l'Islanda) el se rinfòrza, el se rinfòrza anca l’anticiclon permanent sub-tropical corrispondent (anticiclon di Azzòrre), inscambi se el se indebolìss el Ciclon de l'Islanda el se indebolìss anca l’Anticiclon di Azzòrre. Quèsta chì l’è l’oscillazion nòrd-atlantica. [1]

Effètt de la NAO in sul clima de l’Italia[Modifega | modifica 'l sorgent]

  • Pussée brusècc con NAO positiva: se el ciclon de l'Islanda l’è fòrt l’anticiclon di Azzòrre el và a mèttes sora la Francia inscambi che sora i Azzòrre e inscì el fa el mestée del scud per i perturbazion,inscì che ghe riven pu a l’Italia.
  • Di invèrni pussée cald e sècch se la NAO l’è positiva perché diventen pussée rar i irruzion de aria de Nòrd e de già che ‘l fa pussée cald la scighera la capita men despèss.

Quand che la NAO l’è negativa i effètt hinn oppòst. Cont i cambiament del clima la NAO positiva l’è semper pussee frequenta. [1]

Indes NAO[Modifega | modifica 'l sorgent]

Per descrìv la NAO se dopera l'indes NAO:

che l'è la differenza tra i slontanament de la pression atmosferega media registràda a Ponta Delgata (in di Azzòrre) e quèlla registrada a Akureyri in Islanda.

Riferiment[Modifega | modifica 'l sorgent]

  1. 1,0 1,1 Mario Giuliacci (2010). Manuale di meteorologia (in italian). Alpha Test, 374-378. ISBN 88-483-1168-7.