Olivetti MC-24
|
Quest articol chì l'è scrivud in lombard, con la Noeuva Ortografia Lombarda |
Olivetti MC-24 a l'è stada una serie de calcolatris eletro-mecanegh automateghe e con stampa integrada venduda de Olivetti del 1956, in su proget mecanegh del Natale Capellaro e design del Marcello Nizzoli. Gh'eren cinch modej: l'Elettrosumma 22 e 24, bona de fà domà soma e sotrazzion, la Multisumma 24, bona de fà anca la moltiplicazzion, la Divisumma 24, la pussee venduda e bona de fà tute i quater operazzion e la Tetractys, pussee completa e cont una memoria.
A l'era venduda, in del modell Divisumma, per 325'000 Lire, ma la costava circa 1/10 de fà, grazzia a 'n proget assee economegh pensad del Capellaro, che 'l doperava di toch de lamera per la pupart del sistema. Venduda per pussee de 15 agn, prima de vesser sostituida di calcolatris eletronegh, a l'era una vera e propia "gaina di oeuv d'or", come did del Pier Giorgio Perotto.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Olivetti MC-24
