Nunch cont l'Italia
| Noi con l'Italia | |
|---|---|
| President | Raffaele Fitto |
| Vicepresident | Francesco Saverio Romano |
| Coordinador | Maurizio Lupi |
| Stat |  |
| Fondazion | 19 de dicember 2017 |
| Ideolojia | Cristianesim democratich |
| Collocazion | Center-destra |
| Cadrege Cambra |
4 / 630 |
| Cadrege Senad |
4 / 315 |
| Color | Bloeu |
| $fine | |
Noi con l'Italia (Nunch cont l'Italia in lombard) a l'è on partii politegh italian democristian che 'l supporta la coalizion de center-destra ai elezion politegh italian del 2018, de che l'è el center moderaa.
Storia
[Modifega | modifica 'l sorgent]L'idea de 'na quarta gamba del center-destra la vegn quand che l'Enrico Costa, minister del governo Gentiloni, el se dimett per tornà in la coalizion del Berlusconi.
El 19 de dicember 2017 a l'è offizialment nonziaa el partii unich, cont i mèmber de destra de l'Alternativa Popolar (quej de sinistra hinn andaa in la Civica Popolare) e di àlter partii. A genar a hinn tolt dent anca di àlter partii centrista. El 11 de genar 2018 a l'è svelaa el simbol cont el scud de l'UDC.
In di elezion regionai lombard del 2018 l'ha supportaa el candidaa comun del center-destra Attilio Fontana.
Al referendum in su la giustizia del 2022 se s'ceren cont el sì.
Ideologia
[Modifega | modifica 'l sorgent]A nivell social el partii el dà importanza a la familia, cont di propost per la natalità e de mett el riatt internazional de surrogazion de maternità, l'introduzion de 'na segonda lengua in di scoeur e mett l'obbligh de l'autorizzazion di genitor per fà educazion sessuala.
A nivell economich el partii el voeur remett i voucher, la flat tax e sbassà el debit publegh del 20% in 5 agn.
A nivell territorial NcI el voeur modifegà el titol V de la Costituzion italiana per dà pussee competenz ai Region e on'autonomia speciala a Roma e Milan.
El partii a l'è a favor de dà pussee poder al Parlament europee e de elegg direttament el President de la Commission.
Member
[Modifega | modifica 'l sorgent]- Direzione Italia del Raffaele Fitto
- Scelta Civica de l'Enrico Zanetti
- Fare! del Flavio Tosi
- Cantiere Popolare del Francesco Saverio Romano
- Movimento per le Autonomie del Raffaele Lombardo
- Unione di Centro del Lorenzo Cesa
- Identità e Azione del Gaetano Quagliariello
- UDEUR del Clemente Mastella
Resultaa
[Modifega | modifica 'l sorgent]Cambra
[Modifega | modifica 'l sorgent]| Ann | Vot | % | Scagn |
|---|---|---|---|
| 2018 | 428'298 | 1,30 |
4 / 630 |
Senad
[Modifega | modifica 'l sorgent]| Ann | Vot | % | Scagn |
|---|---|---|---|
| 2018 | 361'737 | 1,19 |
4 / 315 |