Naviliasc
|
Quest articol chì l'è scrivud in lombard, con la Noeuva Ortografia Lombarda |
El Naviliasc a l'è un canal artifizzial che 'l scomincia del Tesinell a Binasch per rivà fina al Tesin a Pavia: a l'è el predecessor del Navili de Pavia.
El Bernardin Coeuri el diseva che 'l Galeazz II Vescont l'haveva fad su un canal per daquà el Parch Vescontee, e l'è stad fornid del so fioeul, el Gian Galeazz, ma senza rivà a Milan 'me che se voleva, desgià che el desnivell per rivàgh l'era trop volt e al temp se doperaven no i conche de navegazzion, l'è stad donca lassad fina a Binasch. In principi navigabel, l'è stad gestid propi mal, tant de menà a sostituìll prima cont el Navili de Bereguard e poeu cont el Navili de Pavia, che l'ha infin conligad via aqua Milan e Pavia, in d'una manera pussee bona grazzia a un trasciad noeuv. Longh la strada di Giov el Naviliasc el corr parralel al Navili Paves, del confin in tra Binasch e Casaril fina a Pavia.
Bibliografia[Modifega | modifica 'l sorgent]
- Carlo Cattaneo, Notizie naturali e civili su la Lombardia, coi tipi di Giuseppe Bernardoni di Giovanni, Milano, 1844 (da Google libri)
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Naviliasc
