Navili de Bereguard

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
El pont indè che 'l Navili de Bereguard el se destacca de quell Grand
Come che 'l finiss a Bereguard

El Navili de Bereguard (Naviglio di Bereguardo) l'è vun di canai artificiai del Milanes.
El nass a Castellett (Biaa) e l'è on ramm del Navili Grand. L'è longh desnoeuv chilometer e 'l traversa i comun de Biaa, Morimond, Besaa, Casoraa, La Mott e Bereguard.
El serviva a ligà ona segonda voeulta el Navili Grand al Tisin, e l'è staa per quella reson chì che l'è staa faa sù a partì del 1420. Inscì l'aveva sostituii el Naviliasc (voruu de Gian Galeazz Viscont), che 'l partiva de Binasch e 'l rivava fin a Pavia. Fina al 1819 a l'era l'unega via tra Milan e 'l Mar Adriategh, e l'era important per on bell poo de traffegh, compagn de quell de la saa.

El problema a l'era che 'l finiva minga proppi denter al Tisin, ma domà lì arent. Inscì, i barconi che rivaven liliscì, gh'aveven de vess portaa al Navili de Bereguard a pee e domà dopo podeven ciappà anmò la via de l'aqua fina a Milan.
In del 1819 l'è staa dervii el Navili Paves: i barchiroeu hann ciappaa quella via chì ben prest, e 'l Navili de Bereguard l'ha perduu la soa importanza.

Al dì d'incoeu el Navili de Bereguard el gh'ha on poo i fonzion de ona ronsgia.

Vos correlaa[Modifega | mudìfica 'l sorgènt]