Michelin de Besozz

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
San Matee e duu sant, afresch, Milan, Gesa de Sant Ustorgg.

El Michelin de Besozz (in italian anca: Michelino Molinari; Besozz, 1370 circa - ..., 1455 circa) a l'è staa on pitor e miniador lombard.
A l'è consideraa vun di esponent pussee important del Gotegh Internazzional in Italia. L'ha lavoraa soratutt in Lombardia.
In del 1388 l'ha lavoraa al cioster de San Peder de Pavia, indè che l'ha pituraa di afresch de la vita de San Gustin. In tra el 1395 e 'l 1405 l'ha miniaa el Liber di Or, che incoeu l'è conservaa a Avignon. In di istess agn el fa anca on dissegn de la Natività, conservaa a la Biblioteca Ambrosiana.
Per quattordes agn (1404-1418) l'ha lavoraa in del Veneto, poeu l'è tornaa a Milan, a la Fabrica del Domm. In del 1421 l'è staa pagaa, insemma al fioeu Leonard, per i pitur de l'altar dedicaa ai sant Quirigh e Giuditta; in tra el 1423 e 'l 1425 l'è staa anmò pagaa per la fornidura de dissegn per la vedrada de santa Giuditta (incoeu en resta 'na quai figura in di vedrad del Domm). Intorna al 1430 el fa l'afresch de la Madonna cont el Bambin e i sant, in de la Badia de Viboldon. In del 1435 el pitura la Madonna del Rosed a Verona.