Badia de Viboldon

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

La Badia de Viboldon la se troeuva in del paes de Viboldon, frazzion del comun de San Giulian, in de la Bassa milanesa.
Per la soa bellezza e i sò afresch del Tresent, l'è considerada vuna di compless medievai pussee important de la Lombardia.

Storia

I hann cominciada a fàlla su in del 1176, per poeu finìlla e consacràlla in del 1348. La partegniva a l'orden religios di Umiliaa (orden sopress ai temp del Carlo Borromee), per poeu passaa ai Olivetan. Dopo de la sopression de l'orden per man del governa austriegh, l'è restada bandonada per tanti agn. In del 1940 el cardinal Ildefonso Schuster el ghe l'ha dada a on rosc de monegh benedettinn.