Metropolitana de Roma

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
Metropolitana de Roma
Logo Metropolitane Italia.svg
Inaugurazione metro B1.jpg
Tipolojia Metropolitana
Stats Itàlia
Territore Lazzi
Linie linea A, linea B e linea C
Operador ATAC
Scartament scartament normal
N. stazion e fermade 74
Lungeza 60[1] km
Passajer 906 850 per dé
331 000 250 l'ann
Traçad
istruzion 

La metropolitana di Romma a l'è ona red de strapòrt rapid che la serviss la cittaa de Romma.

A l'è compònnuda de trii lign, identificaa cont letter e color divers, per ona longhezza totala de 60 km. La prima, la linia B (de color bloeu), a l'è stada inaugurada in del 1955; la segonda, la linia A (color oransg) in del 1980; la terza, la linia C (color verd), in del 2014. La gh'ha 74 stazion[1], 59 di quaj sotta-terra. A hinn dree a vess faa-sù ona quaj banda de la linia C, che, se pensa, la sarà finida e dervida tota in del 2021, e a gh'hinn di progett de slongament di band gemò esistent de la linia A e de la linia B.

Dal primm de sgenee 2010 la red a l'è gestida, insemma ai strapòrt de superficia, da l'ATAC.

Red[Modifega | mudìfica 'l sorgènt]

La red metropolitana a l'è componnuda de trii lign:

Linia Percors Inaugurazion Ultem slongament Longhezza in km Numer de stazion Viaggiator (in milion) Temp de
percorrenza
A BattistiniAnagnina 1980 2000 18,4 27 164,2 41 min
B LaurentinaRebibbia / Jonio 1955 2015 23,5 26 125,9 34 min
C Monte Compatri-PantanoLodi 2014 2015 18,1 21 18 34 min
Total: 60 74

Segnalament[Modifega | mudìfica 'l sorgènt]

Linia A[Modifega | mudìfica 'l sorgènt]

La linia A la dopera on sistema de segnalament cont protezion e supervision automatega di treni, cont el blocch automategh a corrent codifegaa per la ripetizion in gabina. El segnalament, oltra a protegg i sezion, l'è anca doperaa per dà al macchinista la velocità massima de la sezion.

Linia B[Modifega | mudìfica 'l sorgènt]

Segnaj a Marconi

Finna al 1990 la linia B l'ha doperaa on segnalament domà per la libertà de la via, de ispirazion ferroviaria, che 'l segnalava al treno domà la libertà de la sezion, la posizion di scambi per i stazion de diramazion e la ciamada in stazion.

Dal 1990 a l'è doperaa on sistema noeuv, compagn de quell de la metropolitana milanesa e de la linia A, che 'l segnala anca la velocità massima de tegnì, che la va da 0 a 80 km/h passand per 15, 30, 50 e 65 km/h.

Linia C[Modifega | mudìfica 'l sorgènt]

La linia C l'è automatega e la dopèra on sistema a radiofrequenza per comunicà costantement cont i treni e informài in su la velocità de tegnì e la libertà de la via. El sistema de rilevament a l'è 'n evoluzion del blocch automategh a corrent codifegaa che 'l permettaria ona frequenza de 90 segond.

Nòt e alter progett[Modifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a:
  1. 1,0 1,1 ATAC - I numeri della mobilità 30/06/2009

Bibliografia[Modifega | mudìfica 'l sorgènt]

Vos corelaa[Modifega | mudìfica 'l sorgènt]

Ligamm de foeura[Modifega | mudìfica 'l sorgènt]