Codes sorgent per Metropolitana de Bressa

{{grafia da netà}}
{{MILCLASS}}
{{Infobox trasport publeg
|nom = 
|codex_color = 
|icona = Logo metrobs.jpeg
|imajin = Bs due scura 2.jpg
|didascalia = 
|mapa = Brescia_mappa_metropolitana.svg
|didascalia_mapa =
|tipo = Metropolitana
|stats =[[Itàlia]]
|territore=[[Lombardia]]
|prencepe =  
|fin = 
|vertura = 
|ultem_slongament =
|serrada =
|vertura2 =
|part_de = <!-- wikidata -->
|linie =
|operador = 
|operador_vegg =
|sit = <!-- wikidata -->
|classificazion =
|veture =
|tipo_veture =
|scartament = <!-- wikidata -->
|n_stazion =17
|lungeza =13,7
|distanza_media =
|durada_percorid = 
|velocitaa = 
|passajer = <!-- wikidata -->
|libera = 
|libera_descr =
|libera1 = 
|libera_descr1 =
|libera2 = 
|libera_descr2 =
|varie = 
}}
La '''metropolitana de Bressa''' l'è ona linia de [[metropolitana lingera]] automatega che la conliga i quarter a nord de la cittaa de [[Bressa]] cont el center storegh e i quarter a sud-est. La dopera on sistema de straport rapid sù ferr che a l'è tutt automategh, inventaa e creaa da l<nowiki>'</nowiki>''Ansaldo-STS'' simil a chell giamò faa per la [[metropolitana de Copenaghen]].

La linia a l'è gestida da ''Metro Brescia'', societaa che la fà part del grupp ''Brescia Mobilità''<ref>{{cita web| url=http://www.bresciamobilita.it/2009/03/la-societa-metro-brescia-srl/| titolo=La società Metro Brescia Srl| accesso=12 aprile 2013}}</ref> l'azienda che, invece, l'ha costruida a l'è la ''Brescia Infrastrutture'', che a l'è de proprietaa del comun.<ref>{{cita news| autore=MI.VA.| url=http://www.bresciaoggi.it/stories/Cronaca/472235_loggia__metropolitana_firmato_il_contratto/| titolo=Loggia & Metropolitana firmato il contratto| pubblicazione=Bresciaoggi| data=20 febbraio 2013| accesso=12 aprile 2013}}</ref>;

La linia a l'è stada inaugurada e dervida el 2 de marz del 2013<ref>{{cita web| www.cityrailways.it| titolo=La metro di Brescia apre sabato 2 marzo| url=http://www.cityrailways.it/home/la-metro-di-brescia-apre-sabato-2-marzo.html| data=5 febbraio 2013| accesso=5 febbraio 2013}}</ref>.

== Red ==
La red metropolitana de Bressa a l'è componnuda domà de ona linia:
{| class="wikitable" style="text-align:center;"
|----- bgcolor=#F8F8FF
!width=5%|Linia
!width=26%|Percors
!width=8%|Inaugurazion
!width=8%|Ultem slongament
!width=10%|Longhezza
!width=10%|Stazion
|----- bgcolor="#FFFFFF"
|| [[File:Logo metrobs.jpeg|20px|center]] || [[Prealpin (metropolitana de Bressa)|Prealpin]] - [[Santa Fèmia-Bofalóra (metropolitana de Brèsa)|Santa Fèmia-Bofalóra]] || [[2013]] || - || 13,7&nbsp;km || 17
|}

La longhezza totala del tocch dervii, intra i stazion de Prealpin e Santa Fèmia a l'è de 13,7&nbsp;[[km]] (tucc in del comun de Bressa), di quaj:
* 6&nbsp;km in ona [[Galeria (costruzion)|galeria]] profonda, scavada cont on inscì ciamaa "trapon" ([[Tunnel Boring Machine|TBM]]), in del tocch central del percors;
* 4,7&nbsp;km dent ona trincera quatada;
* 1,3&nbsp;km in su la superficia;
* 1,7&nbsp;km in su on [[Pont (costruzion)|pont]] soraelevaa.

== Stòria ==
=== Premess ===
[[File:Talpabsvolta002.jpg|thumb|manzína|250px|El cantier de la stazion de Via de la Ólta in del magg 2006.]]
L'ideja de fà-sù ona red de metropolitana in de la cittaa de Bressa e in de la sò [[Pruvincia de Bressa|provincia]] a l'è de vess cercada dree ai agn '80, agn in di quaj in [[França]] a eren staa giamò staa costruii di metropolitan linger automategh, che 'l voeur dì senza conducent. La cittaa de Bressa, cont i sò 200.000 abitant e on'area urbana de 400.000, a l'era ona capitala de provincia assee urbanizzada e cont on gran traffegh da foeura e da dent el coeur de la cittaa.

In del 1985, l'azienda di strapòrt comunaj de la cittaa de alora, l<nowiki>'</nowiki>''ASM Brescia'', gh'ha faa ona mozion d'on studi de fatabilidaa per on sistema integraa de strapòrt, cont el fin de mïoraa i strapòrt, inscì che se sarïa poduu salvaa anca l'ambient e ridù l'inquinament.
Duu studii de fatabilidaa a hinn staa comissionaa in del 1987 e a l'è resultaa che costruì ona metropolitana lingera a Bressa la sarïa staa la roba mïô; duu agn pussee tard a l'è staa dervida ona gara cont cinch aziend internazionaj, ma la gara chì l'è stada anulada in del 1996.

A s'è dovuu spetà fin al 2000 per avegh on'altra gara ch'a l'è stada vinciuda di compagnj ''Ansaldo STS'', ''AnsaldoBreda'', ''Astaldi'' e ''Acciona'' ch'aveven progettaa on sistema ch'a l'era simil a chell de [[Copenaghen]]. 

On contratt de 575 milion de [[euro]] l'è staa vinciuu da ''Ansaldo STS'' in de l'april del 2003; in del agn istess, in november, a hinn staa inauguraa i lavô.<ref>http://www.bresciamobilita.it/2010/11/la-metropolitana-a-brescia/</ref>.

=== La costruzion ===
El scavament de la galeria profonda, che la corr 25&nbsp;m sottaterra a l'è scominciaa in del 2006 cont ona machina todesca ciamada [[Tunnel boring machine]] (TBM, comunement ciamada anca "trapon").

In del cors di lavô a gh'hinn staa tant problemm de costruzion, in particolar per i duu stazion del center storegh, indue a hinn staa trovaa on quaj retrovament archeologigh ch'hann faa andà i lavô de scavament pussee pianin; in de la stazion de Piaza de la Vitória a hinn staa trovaa i fondament de la tor medieval, menter in de la stazion de Via San Faüstì a hinn staa trovaa di tocch di mur venet de la cittaa (chest chì a l'è 'l motiv del cambiament del progett) che a hinn staa sbattuu-giò per on tocch e conservaa per on alter.

=== Cost ===
[[File:Brescia9.JPG|thumb|driza|250px|La fermada ''Stazion FS''.]]
L'opra che a l'è costada a bon cùnt 900 milion de euro, a l'è stada finanziada dal [[Bressa|Comun de Bressa]] (per 67 milion), da la [[Lombardia|Region Lombardia]], che l'aveva faa la legg L.R. n°13 (73 milion), da [[Brescia Mobilità|Brescia Mobilità S.p.A.]] (86 milion), cont on mutuo de trenit'agn (240,3 milion) e da on contribuzion statal per la L. 211/92 (292 milion). In fin, in del marz del 2012, el [[Cipe]] (Comitaa Interministerial per la Programazion Economica) l'ha conceduu 71,6 milion.<ref>{{cita news|url=http://www.giornaledibrescia.it/in-citta/metrobus-a-brescia-arrivano-71-6-milioni-dal-cipe-1.1130855|titolo=Metrobus, a Brescia arrivano 71,6 milioni dal Cipe|pubblicazione=[[Giornale di Brescia]]|data=23 marzo 2012}}</ref>

=== Critegh ===
Inquand la linia a l'è stada progettada se pensava che la sarïa stada ona linia metropolitana per [[Pruvincia de Bressa|tutta la provincia]], e minga domà per la [[Bressa|cittaa]], anca perchè l'era on progett assee car per domà l'area urbana de Bressa.
El 24 de magg 1998 a gh'è staa on [[referendum]] consultiv insul compiment de l'opra, che, anca se l'è staa vinciuu dal "no", a l'è minga rivaa al [[quorum]] che 'l serviva: aveven votaa domà 61.000 bressan su 161.000 che averïen poduu.

Anca on alter referendum, faa in del 2001, a l'è rivaa minga al [[quorum]].

== La linia ==
Elencaa chì, attacch a tucc i stazion, a hinn indicaa i servizzi e anca i inter-scambi ferroviari (se gh'hinn):
[[File:Brescia metropolitana.JPG|thumb|250px|manzína|El signal che 'l se troeuva dinanz a tucc i intrad]]
{{Metropolitana de Bressa}}

=== Percors ===
[[Archivi:Metropolitana di Brescia - schema orizzontale della linea.jpg|250px|thumb|driza|Schema de la lignaa in di treni]]
In del sò percors, da nord, se va sotta la Via Triumplina, per girà, arent al stadi, vers i [[Spedali Civili de Brésa|Speda Civij]].<br/>
Se traversa, poeu, el center storegh, indue gh'è anca l'interscambi cont la [[Red ferroviaria taliana|red ferroviaria]], a la stazion de ''Stazion FS'', e se va drizz vers Bresciadue. Depos la stazion chì a gh'è on curvon vers est, sotta la Via Lamarmora.<br/>
In fin, depos d'avegh traversaa la Poliambulansa, se traversen i quarter de San Pól e Sanpulì, fin a rivaa al deposet.

I 17 stazion, 8 di quaj a hinn in ona galeria, 5 in trincera quattada, 2 in se la superficia e 2 in su d'on pont, a hinn staa progettaa (a ecezion de la stazion de Piaza de la Vitória) da l'ingegnee [[Lambert Cremonesi]].
A hinn staa pensaa comè grand spazzi a l'apert cont ona luminazion natural che la riva di grand saliber.<ref>{{cita news|url=http://archiviostorico.corriere.it/2012/novembre/25/signor_metro_co_0_20121125_91618d90-36cf-11e2-aa70-d22db3a25ea2.shtml|titolo=Un signor metrò|pubblicazione=[[Corriere della Sera]]|data=25 novembre 2012}}</ref> Domà i stazion de Vitória e San Faüstì, per via de la lor posizion hinn staa costruii cont on'architetura pussee tradizionala.

In tucc i stazion a gh'hinn [[scal mobil]] e fiss, [[ascensur]] cont i mur trasperent ma gh'hinn minga angol mort inscì che a l'è pussee fazil controllaa cont telecamer de sorveglianza.
Tucc i stazion a hinn anca dotaa di inscì ciamaa [[port de banchina]] ''Knorr-Brems'' che a se derven insemma a i port del treno.<ref>[http://www.platformscreendoors.com/en/_meta/news_1/news_detail_10688.jsp Westinghouse Platform Screen Doors (WPSD) - The Brescia Metro Opens for Service<!-- Titolo generato automaticamente -->] {{Webarchive|url=https://web.archive.org/web/20160304102029/http://www.platformscreendoors.com/en/_meta/news_1/news_detail_10688.jsp |date=2016-03-04 }}</ref>

A s'è deciduu de mett minga i turnej inscì che i [[Spìciula|spiciul]] a poden intrà in di treni: a l'è in su i treni che 'l se troeuva el personal che controlen i biliett<ref>{{cita news|url=http://www.bresciaoggi.it/stories/Cronaca/349224_sul_metrobus_con_le_due_ruote_in_ascensore_o_ai_lati_delle_scale|titolo=Sul Metrobus con le due ruote in ascensore o ai lati delle scale=Bresciaoggi|data=1º aprile 2012}}</ref>.

== Servizzi ==
[[Archivi:SalaControllo MetroBS.jpg|250px|thumb|left|La sala de control automatiga de la metropolitana de Bressa]]
=== Orari de avertura ===
El servizzi el scomincia a i cinch or de la matinna e 'l finiss a la mezzanocc, per tutta la settimana. A partì dal 2014, per vegnì contra a i esigenz d'on pussee grand numer de gent che doperen la metropolitana, a l'è staa slongaa l'orari de avertura di venardì e di sabet del period estiv: in di dì chì, la metropolitana la sara-sù a l'ona de nott al post che a mezzanocc.<ref name= orari_frequenz >{{cita web| titolo=Linea Orari Mappe trasporto pubblico locale Brescia mobilita| url=http://www.bresciamobilita.it/utenti/metrobs/linee-orari-mappe-tpl| accesso=2 marzo 2014}}</ref>

=== Freguenz ===
A partì del marz del 2014, la freguenza di trenii a l'è cressuda: la freguenza di orari de ponta l'è cressuda de quatter menut menter foeura de l'orari de ponta l'è de vott o dees menut.
In del period estiv el gh'è minga l'orari de ponta e la freguenza a l'è semper de vott o des menut.<ref name= orari_frequenz />

== Carateristich tecnich ==
=== Scartament ===
El [[scartament]] di binari a l'è de 1435 milimeter, che a l'è l'inscì ciamà "[[scartament normal]]".

=== Material rodabil ===
La flotta iniziala de la [[metropolitana]] a l'era componnuda de 18 treni, sedes di quaj a vegniven doperaa menter duu restaven-giò in del deposet per scorta e manutenzion.

I caratteristigh di trenii a hinn chej elencaa chì de sotta:
* treni articolaa cont trii cass binaa, cont dimension totaj de 39 x 2,65 [[meter|m]];
* guida automatega da tut e duu i lati;
* ses port in su ogni fianch, de la larghisia de 1,60 m;
* 72 post per settass-giò fiss + 2 post riservaa a i portador de handicap in caroccetta + 20 strapontin (cadregh che se poden portà-giò);
* cont on carich ''C2'' a ghe stann 308 passeger in total,<ref name="C2C3">In baa ai indicazion de la circolar ministerial 81/1996, la grandezza d'on mezz de straport publigh la se cunta cont trii possibil configurazion: ''C2'' (4 post per m<sup>2</sup>), ''C3'' (6 post per m<sup>2</sup>) o ''C4'' (8 post per m<sup>2</sup>).</ref> menter cont on carigh ''C3'' ghe ne stann 425.<ref name="C2C3"/>

<gallery>
File:Convogli MetroBS.jpg|Tren de la metropolitana in del deposet de Santa Femia.
File:Brescia6.JPG|On treni veduu da dent
File:MB 115 Poliambulanza uscita 20130309.JPG|I convoj a trii cass
File:Deposito MetroBS.jpg|El deposet de Santa Femia
</gallery>

=== Sistem de sicurezza ===
I parameter de sicurezza garantii da la gestion cont i calcolador a fann vicinaa minga i treni pussee de la distanza minima; a gh'hinn, oltra, di sensor che a fann minga partì el treno se gh'hinn temperatur assee alt sotta el convoj perchè ghe podarïen vess i condizion per el s'ciopp d'on [[foeugh]].

== Nòt e alter progett ==
{{commons|Category:Brescia light metro}}
<references/>

== Ligamm de foeura ==
* {{it}} [http://www.bresciamobilita.it Sito di Brescia Mobilità] {{Webarchive|url=https://web.archive.org/web/20110128184905/http://www.bresciamobilita.it/ |date=2011-01-28 }}
* {{it}} [http://www.bresciainfrastrutture.it Sito di Brescia Infrastrutture]

[[Categoria:Bressa]]
[[Categoria:Metropolitane in Lombardia|Bressa]]