Metod Wucols

Quest articol chì l'è scrivuu in lombard, grafia milanesa.

El metod Wucols l’è on métod nassùu in del 2000 che ‘l sèrviss de valutà la svapo-traspirazión di coltivazión ornamentàj:

La svapo-traspirazion di coltivazión ornamentàl la ven calcolada in quèlla manera chì:

$ET_{L}=k_{L}\cdot ET_{o}$

indoe:

ET_L l’è la svapo-traspirazion de la pianta ornamentàl considerada (che l’è l’istèss del fabisògn de irigazion de la coltivazión) esprèssa in mm/dì;

K_L a l’è el coefficiént del paesàgg (de la lengua inglesa ‘’landscape coefficent’’), che , a bon cunt l’è l’istèss del Kc doprà per la stima de la svapo-traspirazion (varda ► Svapo-traspirazion#Stima de la svapo-traspirazion effettiva);

ETo l’è la svapo-traspirazion de riferiment che la pò vèss stimada con divèrsi métod, primm fra tucc de metod Penman-Monteith.

El coefficent del paesàgg el ven ottegnùu del prodòtt de trii coefficiént:

• K_s, cofficiènt de specie, che l’è divèrs segond la specie che la pianta la partén;
• K_d, coefficént de densità, ch’a l’è ‘n coefficènt de correzión che ‘l ciapa in considerazion la densità di piant;
• K_mc, coefficènt micro-climatich, che ‘l servìss inscambi de tegnì in cunt el microclima de la zòna specifega.

$K_{L}=K_{S}\cdot K_{mc}\cdot K_{d}$

Coefficient de densità

I valór possìbil del coefficént de densità hinn:

• 1,1<Kd<1,3 in del caso d’ona densità alta, o ben de terrén quattàa su di piant al 100%;
• Kd=1 in del caso che la densità di piant la sia media, o ben 70-100% in del caso di alber e del 90-100% in del caso di arbust e di piant tappezzant;
• 0,5<Kd<0,9 in del caso che la densità di piant la sia bassa, o ben minora del 70% per i àlber e del 905 per i arbust e i tappezzant.

Coefficient microclimatich

I valór possìbil del coefficènt mirco-climatich hinn:

• 1,1<K_mc<1,4 in del caso del “microclima alt”. Se parla de microclima alto quand ch ‘el sit l’è espòst a di vent pussée fòrt de quèj tipich de la zòna o a di sorgènt de calór arént o anca a la lus rilfettuda di edifizzi arènt;
• k_mc=1 in del caso del “microclima medi”, cioè in camp avèrt;
• 0,5<K_mc<0,9 in del caso de “microclima bass”: Se parla de microclima bass quèll indoe i piant hinn miss in sul fianch nòrd o nòrd-èst di edifizzi, a l’ombria di struttùr sora-elevàa o circuìd di mur d’on cortìl.

Coefficient de specie

El “coefficent de specie” el var:

• Ks<0,1 per i piant a consùmm de acqua molto bass;
• 0,1<K_s<0,3 per i piant a consùmm de acqua bass;
• 0,4<k_s<0,6 per i piant a consùmm idrìch medi;
• 0,7<k_s<0,9 per i piant a consùmm idrich alt.

Tucc i piant vegnen classificàa segond el so consum de acqua: el studi in sui piant l’è stà tirà innanz in del stat americàn de la California che l’è stada divisa in divèrsi “región Wucòls” e infra tucc i región valór de la región Wucols 3 hinn quèj giust per l’Italia.

Ligamm de foeura

►[[1]] Chichiscì podìi trovà , a comenzà de la pagina 93 de document i dàa i sul consùmm de acqua di divèrsi speci di piant.