Parlament italian
El Parlament italian l'è 'l orghen cont el poder legislativ e 'l controll politegh del governo italian. L'è spartii in tra la Cambra di Deputaa e 'l Senad de la Republica: tucc e du i camber i gh'ha i istess diritt e dovè, ma vist che 'l President del Senad italian el pò vess president supplent el Senad l'è consideraa cambra alta.
El status del Parlament[Modifega | modifica 'l sorgent]
La Costituzion italiana la dis che i camber del Parlament i gh'ha i midemm competenz.
El Senad l'è elegiuu in su bas regionala, la Cambra de tutt el Stat.
I parlamentar i gh'ha no el vincol de mandaa, ossia pòden minga vess revocaa di elettor o dal Partii e hinn responsabil de la sò azion domà politicament in di elezion.
I parlamentar i gh'ha anca l'immunità per quell che fann politicament e istituzionalment.
Parlament in seduda comun[Modifega | modifica 'l sorgent]
El Parlament italian el pò vess unii in d'ona seduda comun in 'sti cas chi:
- Elezion del President italian, cont i delegaa regionai
- Giurament del President italian
- Elezion di giudes de la Cort Costituzionala
- Mett in Stat de accusa el President
El Parlament in seduda comun l'è presieduu dal President de la Cambra di Deputaa, per bilancià la supplenza del President italian da part de quell del Senad.
Tentativ de reforma[Modifega | modifica 'l sorgent]
Al dì d'incoeu el sistema parlamentar italian l'è l'istess del 1948. Però gh'è staa du tentativ de reforma, scassaa da la popolazion:
- El Referendum Costituzional del 2006 in Italia l'avaria sbassaa i parlamentar (da 630 a 518 Deputaa e da 315 a 252 Senator), oltra a toeu via el bicameralism perfett, vist che 'l faseva on Senad federal. I Senator a vita vegniven Deputaa a vita.
- El Referendum Costituzional del 2016 in Italia che l'avaria sbassaa i Senator a 100 e i faseva reppresentant dirett di Region, scernuu in tra i sindegh del territori e in tra i Consijee Regionai.
Comé giamò dii 'sti reform, che conteneven anca di alter disposizion, hinn staa tucc refudaa dal Popol.