Mathias Rust

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
El scior Rust

El Mathias Rust (Wedel, 1 de giugn 1968) l'è on aviator todesch, famos per vess atteraa in de la Piazza Rossa a Mosca, in del 1987, in piena Guera Fregia.

El Sgor[Mudifega | mudìfica 'l sorgènt]

El Rust l'ha ficiaa on avion Cessna 172 in del reoport de Uetersen, arent ad Amburgh, in del di 13 de marz.

El vol de Rust

Poeu l'è rivaa in Islanda, indova l'è rimagnuu per ona settemana, poeu l'è partii per Helsinki, passand per Bergen.

A Helsinki ha daa on fols pian de sgor, indova gh'eva 'me destinazion Stocólma. Inveci l'ha pontaa subet a la Russia, rispondend no al controllor de sgor.

Arent a Sipoo l'è scomparuu di radar e l'è rivaa in Estonia (14:29 del 26 magg), indoa i radar del URSS, vist che 'l rispondeva no al interrogazion IFF, ha ricevuu el codes de combattiment 8255. I missii terra-aria han vardaa el avion del Rust, ma han ricevuu no el permess de trall giò.

Anca on caccia MiG russ l'è staa minga autorizaa a trall giò.

L'è scomparuu di radar de noeuv arent a Staraya Russa, forsi perchè l'è ateraa per cambiass i vestii.

Poeu l'è ndaa dent in del spazzi aerei de Pskov, indoa el radar l'eva in manutenzion: donca tucc i avion gh'aveven on identificazion IFF "amis".

A Torzhok, inveci, i controllor pensaven, vista soratutt la sò altituden bassa, che l'era on elicotter da soccors per on incident che l'era suceduu el di precedent.

Ai 19:00 circa, l'era sora Mosca, e'l voreva atteraa in del Cremlin, ma poeu l'ha deciduu de rivà in de la Piazza Rossa, per evità che 'l KGB el scondess tutt.

L'è ateraa in on pont arent a la Piazza Rossa, per poeu 'nda inanz fin a la Piazza, indoa l'è staa saludaa ben dal popol russ.

Despoeu on ora de l'atteragg el vegn identificaa da la polizia russa, e 'l vegn menaa via de li a prest.

El Rust el vegn condanaa a 4 agn de preson, ch'i scüntarà mai, vist che 'l vegn liberaa despoeu 432 di de preson.

Hinn staa scasciaa via 2000 person per l'error in del intercettazion.

El ritorn in Germania[Mudifega | mudìfica 'l sorgènt]

El 3 de agust del 1988 vegn multaa de 100'000 march, per la mission de soccors di autorità finalndes.

Vegn anca indagaa per Tradiment e minaccia a la pas, ma finiss in nient.

In de la sò vida ha ricevuu di olter condann, 'me:

  • 4 agn per tentaa omicidi contra ona collega (l'ha scuntaa domà 16 mes)
  • Furt de on majon: 10'000 march todisch de multa, poeu metuu a 600.