Martin Weinek

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Martin Weinek (a manzina) con Denise Zich e Kaspar Capparoni

Martin Weinek (Leoben, Austria, 1964) l'è n'attur, dopiator, enòlogh, regista e impresari austriach. El laora per el cìnema, el teàter e la television. Al pùbblich italián l'è cognossuu per la part dell' Ispettor Fritz Kunz in "Il Commissario Rex".


Cariera[Modifega | mudìfica 'l sorgènt]

Dòpo che el s'è formaa intra el 1983 e'l 1986 sòta el Prof. Peter P. Jost, el s'è dedicaa al teater in del 1986 in d'ona quai produzion vienes. La soa prima aparizion l'é stada come ascensorista in del film Nachsaison (Bassa stagion).

In del 1987 lu l'ha avuu una part in del'òpera teatral Der Lechner Edi schaut ins Paradies de Jura Soyfer sòta la regia de Georg Mittendrein in del festival Ruhrfestspiele Recklinghausen e la soa part de spazzin in del film Müllomania di Dieter Berner.

Intra el 1988 e'l 1989, l'ha laoraa al Jura-Soyfer-Theater a Viena, e anca in alter teater pussè piscinitt. Lu l'ha faa anca el regista, el diretor artistich e el produtor. Dopu, in del 1989 l'ha faa part d'ona serie televisiva austriaca Calafati Joe. Del 1990 al 1991 l'è staa diretor artistich del Hernalser Stadttheater a Viena.

In del 1999 la soa popolarità l'è rivada anca in Italia grazie a la serie televisiva Il Commissario Rex, indoè che l'è fiss come atòr.

El Martin Weinek l'è apassionaa de vin e de viticoltura: del 1993 el gh'ha una soa produzion de vit a Hagensdorf (ona frazion in de la campagna del comun de Heiligenbrunn) e el ghe sta dree personalment insema a la soa mieé Eva, che l'è anca lee on artista del cinema e ona dramaturga. L'azienda l'ha ciapada da una sasina vegia che l'han metüda a post e mudernizzada sòta la direzion de la sciora Eva Weinek. La proprietà del Weinek l'è de pu o de men cinquanta perti de tera.

I Cinema[Modifega | mudìfica 'l sorgènt]

Ligamm de Foeu[Modifega | mudìfica 'l sorgènt]