Marmor de Candoja
|
Quest articol chì l'è scrivud in lombard, con la Noeuva Ortografia Lombarda |
El marmor de Candoja a l'è un marmor bianch-roeusa o gris che 'l se tira foeura di cave de Candoja, vuna di frazzion de Mergozz, in la vall d'Ossola.
Doperad sgiamò di temp de l'imperador August, a l'è cognossud soratut perchè el Gian Galeazz Vescont gh'haveva dad el permess a la Fabrega del Dom de doperà el so marmor, e donca el Dom l'è fad in bona part de quell marmor chi. Se troeuven di alter testimonianze romane e de l'età de Mez anca a Turin e a Pavia.
Pussee de recent, a l'è stad doperad per la Certosa de Pavia, per l'arca de San Gustin in la Basilega de San Peder in Cel d'Or a Pavia, in la capella Colleon a Berghem, in la basilega de San Franzesch a Piasenza e in la Basilega de San Petroni a Bologna. In di agn '90 del '900 una lesg del Piemont gh'ha confermad i dirit esclusiv di cave per la Fabrega del Dom.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Marmor de Candoja
