Mós (Crèma)

De Wikipedia
Jump to navigation Jump to search
Lumbaart ucidentaal Cheest artícul al è scrivüü in Cremàsch, urtugrafìa Cremàsca.


Con la paròla Mós (an italià: il Moso) sa parla di teré che i sa tróa a séra da Crèma

Stòria[Modifega | mudìfica 'l sorgènt]

I teré dal Mós i è prufund 4 méter rispèt a la campàgna e 'na ólta i era pié d'aqua stagna. I era i funtanìi che gh'era sura a purtà l'aqua mentre sóta gh'era l'Aqua Rósa e al Cresmére a purtàla ià.

Al nóm al derìa dal tudèsch "mos", che ól dì aqua stagna. Nüsü i ga sügat sti teré, gnà i fracc, gnà la Republica da Venesia: ansi, la Republica la urìa pròpe mia, perchè isé gh'era 'na difésa per la cità da Crèma.

Apena 'n dal vòtcént i ga cuminciàt a tirà fóra la turba e dòpo i ga facc só al Canàl Marsà che 'l ga sügat sö töta l'aqua.

Isé i ga facc sö da le casìne, 'na scóla e 'na césa 'ntitulada a Santa Caterina (che ancó l'è seràda sö).

Ancó[Modifega | mudìfica 'l sorgènt]

Al Mós visì a Trescùr

Gh'è dele casìne che le brigùla zó, ma töta chèsta area l' pròpe bèla per i fós che gh'è e per al Canàl Marsà che la traèrsa. Visì al canàl i ga facc pò 'na strada apòsta per le biciclète.

I vól fà an parch[Modifega | mudìfica 'l sorgènt]

Sö le rìe di fòs che amò da le piànte e di animài che da sòlet i stà apéna 'ndu gh'è l'aqua stagna; i è particular e per chèsto sa pénsa da fà 'n parch; al sarès 'n di cümü da Bagnól, Crèma, Cremusà, Palàs, Trescùr e Vaià.

Umbrianèl[Modifega | mudìfica 'l sorgènt]

Visì a Umbrià gh'è la Casina Umbrianèl; l'è na casìna particular, facia sö co stile e ben urganizada per 'l laurà e per staga déte. 'Na ólta gh'era pò 'n viàl che partìa ché e l'riàa fin a Umbrià , ma adès al gh'è pö. Adès a Umbrianel i ga fà déte le fèste e gh'è pò 'n teré per al golf.

Nutisie tracie sö da...[Modifega | mudìfica 'l sorgènt]

  • AA.VV., Itinerari Cremaschi, Leva Artigrafiche, 1992, volume "La Gera d'Adda. Intorno al Moso. Su per il Serio".
  • AA.VV., Itinerari Cremaschi, Leva Artigrafiche, 1992, volume "La città di Crema".
  • Le istituzioni storiche del territorio lombardo, scheda su Santa Maria dei Mosi

Pagine tacade[Modifega | mudìfica 'l sorgènt]