Ludovico Pogliaghi
|
Quest articol chì l'è scrivud in lombard, con la Noeuva Ortografia Lombarda |
El Ludovico Pogliaghi (Milan, 7 de sginer 1857 - Sacher Mont de Vares, 30 sgiugn 1950) a l'è stad un scultor e pitor italian, regordad per vari lavorà soratut in Lombardia.
Nassud in di ultim agn de governa austriegh in d'una familia siora e vesina al governo, el starà de cà al Palazz Crivei, minga deslongh de l'Academia de Brera indova che 'l sarà docent, cont in tra i so alev i giumei Carlo e Luigi Rigola e 'l Gaetano Cresseri. Cont i du giumei el lavorarà a la porta central del Dom e di alter gran lavorà che l'ha lassad a Milan inn l'allestiment del Musee Poldi Pezzoli e la restruturazzion del Palazz Turaa. L'è regordad anca per la Capella Espiatoria dedicada a l'Umbert I, in del sit che l'è stad mazzad del Gaetano Bresci.
In di ultim agn de la soa vita l'ha fad san-Martin in sul Sacher Mont de Vares indova che l'ha fad su una gran villa ecletega: a la soa mort la lassa in eredità a la Biblioteca Ambrosiana, che poeu l'è trasformada in d'un musee.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Lodovico Pogliaghi
