Luca Attanasio (diplomategh)

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda

El Luca Attanasio (Saronn, 23 magg 1977Goma, 22 febbraio 2021) l'è stad un diplomategh italian, imbassador in de la Republega Democratega del Congo del 5 setember 2017 in fina a la so mort in d'un atentad in de la citaa de Goma.

Biografia[Modifega | modifica 'l sorgent]

Nassud a Saronn in del 1977, l'è cressud a Limbiad. In del 2001 el s'è lauread con lod a l'Universitaa comerciala Luigi Bocconi de Milan e, despoeu de havé frequentad un cors de preparazzion a l'ISPI, l'è stad ametud a la carrera diplomatega in del 2003. In del ministeri di relazzion foreste e de la cooperazzion internazzionala, l'è stad assegnad a la direzzion per i Afar Economegh, Ufizzi sostegn ai imprese, a la segreteria de la direzzion generala per l’Africa e poeu vice capo segreteria del sota-segretari de Stad con delega per l'Africa e la Cooperazzion Internazzionala in del 2004.

Del 2006 al 2010 l'ha lavorad a l'Imbassada italiana de Berna coma capo de l'Ufizzi Economegh e Comercial. Del 2010 al 2013 l'ha havud el roeul de consol general reggent a Casablanca e poeu in del 2013, l'incaregh de capo segreteria de la direzzion generala per la Mondializzazzion e i Afar Globai al Ministeri di relazzion foreste. In del 2015 l'è stad nominad prim consijer de l'Imbassada d'Italia a Abuja in Nigeria.

El 5 setember 2017, a domà 40 agn, cont el grad de consijer de legazzion, el s'è insediad coma imbassador a Kinshasa, in de la Republega Democratega del Congo, indova l'è reconfermad in de l'otober 2019.[1] Sensibel ai varie emergenze sociai del continent african e ativ in tant program de ajut promoeuvud de la Comunitaa de Sant'Egidi, in del 2020 ghe vegn dad el Premi internazzional Nassiriya per la Pas «per el so impegn a la salvaguardia de la pas in tra i popoi».[2]

Note[Modifega | modifica 'l sorgent]

  1. (IT) L'Imbassador Luca ATTANASIO
  2. (IT) Premi Nassiriya per la Pas a Luca Attanasio, imbassador italian in Congo