Locomotiva RhB Gem 4/4
| RhB Gem 4/4 | |
|---|---|
| Locomotiva elettro-diesel | |
 Locomotiva in stazion | |
| Agn de esercizi | 1966- |
| Quantitaa produxida | 2 |
| Costruidor | SML, Brown, Boveri & C, SWS, MFO |
| Lungeza | 13'540 mm |
| Largeza | 2'700 mm |
| Alteza | 3'820 mm |
| Scartament | 1'000 mm |
| Massa a vœd | 50 t |
| Classificazion di locomotive | Bo'Bo' |
| Potenza continuativa | 560 kW (elettrigh) 780 kW (Diesel) |
| Sforz trazion massem | 80 kN |
| Velocitaa massema omologada | 65 km/h |
| Alimentazion | 1 kV CC o con Diesel |
| Tipolojia de motor | Quatter EMR 475 |
La locomotiva RhB Gem 4/4 a l'è 'na class de dò locomotiv elettro-diesel a scartament metrich doperaa de la Ferrovia Retiga.
El sò nomm, in la classificazion svizzera di rotabij, el voeur dì che l'è 'na locomotiva l'è a scartament redutt (G), elettrica (e) e diesel (m), con quatter ass de che 4 motor.
Storia
[Modifega | modifica 'l sorgent]Hinn staa ordenaa in di agn '60 per sostituì di mezz vigg e danegiaa e hinn staa consegnaa in del 1966 de la SLM, SWS, BBC e MFO. De 'sta locomotiva la deriva la locomotiva MGB HGm 4/4s, doperada in su la ferrovia del Furka-Oberalp, che l'è però intregament a Diesel.
La locomotiva l'era pensada per podè girà in su la ferrovia del Bernina, elettrifegada diversament rispett al rest de la ferrovia Retiga, e per quella reson chi hann in comun ona motta de component cont i automotris RhB ABe 4/4 II.
La permetteva donca de doperà la linia del Bernina anca quand che la linia aerea de contatt l'era interrotta, magara per ona valanga, grazia al motor Diesel, e la permetteva anca de doperà i spazzanev in correnta continova RhB Xrot e in su la red principala de la Retiga, roba poeu deventada obsoleta grazia ai noeuv spazzanev RhB Xrot m.
L'era doperada anca per di servizzi dirett, soratutt el Bernina Express, in tra Samedan e Tiran travers de la Sankt Moritz, indova che la tirava el treno a Diesel foeura de la linia del Bernina e cont el pantograf dent de la linia.
In del 1981 l'è missa a la stazion de Pontresina 'na sezion de catenaria bona de cambià tension e i treni hinn staa donca tiraa de Coira finna a Pontresina grazia a la ferrovia Samedan-Pontresina cont ona locomotiva standard e l'è cambiada la locomotiva linscì cont ona locomotiva per el servizzi a 1'000 V DC.
Renoeuvament
[Modifega | modifica 'l sorgent]In tra el 2000 e 'l 2003 hinn staa renoeuvaa integralment, sia in di esterni che in di interni, cont on noeuv motor Diesel e la computerizzazion de la gabina.
Caratteristegh
[Modifega | modifica 'l sorgent]L'è 'na locomotiva bona de fonzionà sia con la tension de linia de 1 kV CC sia che cont on sò motor Diesel che 'l moeuv on generator elettrich. I part hinn per la pupart in comun con la automotris RhB ABe 4/4 II, inscì de rend pussee fazil e economega la manutenzion.
Galleria di foto
[Modifega | modifica 'l sorgent]-
Treno del 1980 -
Composizion con spazzanev -
Treno in su la nev -
Regional per Tiran a Ospizzi Bernina -
Treno spazzanev -
Treno in corsa -
Vista del spazzanev -
I dò locomotiv in del 2014 -
Locomotiva a Pos'ciav -
Tréno tiraa de 'sta locomotiva
Riferiment
[Modifega | modifica 'l sorgent]- Belloncle, Patrick (2005). Das grosse Buch der Rhätischen Bahn: 1889–2001 [The Big Book of the Rhaetian Railway: 1889–2001]. Kerzers: Edition Viafer. ISBN 3952249408
Alter progett
[Modifega | modifica 'l sorgent]
Wikimedia Commons el gh'ha dent imagin o alter archivi su Locomotiva RhB Gem 4/4
