Bernina Express

Quest articol chì l'è scrivuu in lombard, grafia milanesa.

Bernina Express in corsa

El Bernina Express a l'è 'n servizzi ferroviari internazional che, insemma al Glacier Express, l'è'l servizzi turistegh de ponta de la Ferrovia Retiga. El conliga Coira, o in d'ona quaj situazion Davos, con Tiran e 'l corr per la pupart in sui lign patrimoni de l'umanità de l'Albula e del Bernina. Hinn classfegaa anca 'me Bernina Express i carrozz panoramich taccaa ai treni regionai in tra Sankt Moritz e Tiran e 'n servizzi, in precedenza ciamaa Heidi Express, per Landquart. In estad gh'è di treni separaa che corren de Coira a Pontresina, indova che gh'è el cambi de locomotiva, e poeu finna a Tiran con pocch fermaa menter in invern l'è taccaa ai treni regionai.

L'è classifegaa 'me Bernina Express anca on bus che 'l va de Lugan a Tiran, a travers de la Valtolina.

Prumma del 2013 l'era classifegaa 'me treno espress, in tra el 2013 e 'l dicember 2019 l'è classifegaa cont ona soa special classificazion menter del dicember 2019 l'è classifegaa 'me Panorama Express.

Per espletàll a hinn doperaa di carrozz panoramich apposta che hinn taccaa a di locomotiv ordinari o a di elettrotreni Allegra.

Galleria di foto

• 
  Vista del viadott elicoidal de Brus
• 
  Carrozz del Bernina Express
• 
  Composizion esclusiva Bernina Express
• 
  Salida di spiciol
• 
  Entrada del treno in tunnel
• 
  Modellin in scala N
• 
  Treno arent a 'n lagh
• 
  Allegra in servizzi Bernina Express
• 
  Allegra cont di carrozz al train

Bibliografia

• Achim Walder: Glacier Express, Bernina Express und Rhätische Bahn. Walder Verlag, ISBN 3-936575-34-7.

Alter progett

Altri progetti

• Wikimedia Commons

• Wikimedia Commons el gh'ha dent imagin o alter archivi su Bernina Express

Ligamm de foeura

• Sitt offizial